Lajme

Policia kërkon nga qytetarët bashkëpunim për identifikimin e një personi të dyshuar për vjedhje

Autori: Gazeta inFokus 14:03 | 21 March 2023

Policia e Kosovës përmes një njoftimi ka kërkuar nga qytetarët e Kosovës që të ofrojnë informata që do të ndihmonin në identifikimin dhe arrestimin e një personi të dyshuar për vjedhje grabitqare.

“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, thuhet në njoftimin e policisë.

Sipas policisë, i dyshuari kërkohet për përfshirje në një rast, vjedhje grabitqare, që ka ndodhur në janar të vitit 2023, në rrugën “Ukshin Hoti” në Prishtinë.

“Të nderuar, për çdo informatë që mund të çojë në identifikimin e personit apo vendndodhjes së tij, kontaktoni policinë në numrin e telefonit: 192.”, është kërkesa e policisë.

Albi Mall Superliga rikthehet me betejat për Evropë dhe mbijetesë

Të tjera

Fokusi

lajme