Lajme

Policia kërkon ndihmën e qytetarëve për të gjetur këtë person

Autori: Gazeta inFokus 18:32 | 26 January 2024

Policia e Kosovës, përmes një njoftimi në Facebook, ka kërkuar ndihmën e qytetarëve për gjetjen e një personi i cili dyshohet për “Shpërdorim të pasurisë së huaj”,

Në njoftim, policia ka publikuar fotografinë e të dyshuarit, për veprën që dyshohet se ka ndodhur më 22.07.2023, në një dyqan në qendrën tregtare “Prishtina Mall”.

“Me qëllim të zbatimit efikas të procedurës, në hetimin që po zhvillohet për rastin “Shpërdorimi i pasurisë së huaj” të ndodhur më 22.07.2023, në një dyqan në qendrën tregtare Prishtina Mall, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarit të shpallur në kërkim”, thuhet në njoftim.

-Advertisement-

Subscribe në YouTube: GAZETA INFOKUSI