Nga sot 5 drejtori rajonale të Policisë së Kosovës janë bërë me “Dhoma Miqësore”.

Prishtina, Ferizaj, Peja, Prizreni e Mitrovica e Jugut, me përkrahjen e ndihmën e Ambasadës Amerikane tash e tutje do të kenë në stacionet e tyre policore edhe dhomat e intervistimit të viktimave të trafikimit.

E këto, do të jene më standardet më të larta, shkruan gazeta inFokus.

“Në kuadër të planifikimeve dhe aktiviteteve të vazhdueshme kundër trafikimit me qenie njerëzore, që është duke u mbajtur në Kosovë, Policia e Kosovës, përkatësisht Drejtoria për Hetimin e Trafikimit me Qenie Njerëzore, në mbështetje dhe përkrahje të Ambasadës së SHBA-së, konkretisht nga INL-i (International Narcotics and Laë Enforcement Affairs), sot me datën 8 nëntor 2019, në objektin e DHTQNJ-së, ish stacioni nr. 2 në Prishtinë, është bërë përurimi i dhomave të intervistimit të viktimave të trafikimit. Ky investim në dhomat e intervistimit të viktimave të trafikimit, apo siç njihen ndryshe dhoma miqësore është bërë në pesë (5) drejtori rajonale policore si: në Prishtinë, Ferizaj, Pejë, Prizren dhe Mitrovicë e Jugut”, thuhet në njoftimin e Policisë.

Në përurimin e këtyre dhomave pjesë morën, Drejtori i Përgjithshëm i Policisë Rashit Qajal e përfaqësues të lartë nga Ambasada Amerikane, sikur zëvendës-ambasadori Nicholas Giacobbe, drejtori i INL-së, Shaën Ëaddoups e përfaqësues tjerë.

Në këtë mënyrë, këta u falënderuan nga i pari i policisë, Rashit Qalaj, shkruan gazeta inFokus.

“Drejtori Qalaj, falënderoi Ambasadën Amerikane e cila në vazhdimësi ka përkrahur dhe mbështetur Policinë e Kosovës në fusha të ndryshme të luftimit të krimit, dhe ngritjen e kapaciteteve logjistike me theks të veçantë tani edhe në trajtimin e viktimave të trafikimit, në kushte sipas standardeve me të larta policore”, thuhet në njoftim.

E zëvendës-ambasadori amerikan, Giacobbe, tha që kanë qëllim përkrahjen e institucioneve të zbatimit të ligjit, si me ndërtimin e kapaciteteve, ashtu edhe me trajnime.

“Në anën tjetër zëvendës – ambasadori z. Giacobbe, ndër të tjera tha se, Ambasada Amerikane përmes programeve të veta ka për qëllim përkrahjen dhe mbështetjen ndaj institucioneve të zbatimit të ligjit siç është Policia e Kosovës, në trajnime, në ndërtimin e kapaciteteve të plota, pasi e gjithë kjo ndërlidhet me shërbim ndaj njerëzve, përfshirë edhe mbështetjen në anën logjistike me qëllim krijimin e kushteve më të mira për trajtimin e viktimave të trafikimit”.

“Policia e Kosovës mbetet e përkushtuar në luftimin e të gjitha dukurive negative si dhe të gjitha llojet e krimeve, dhe përkrahja e Ambasadës Amerikane në përurimin e këtyre dhomave e ndihmon Policinë e Kosovës në realizimin e objektivave strategjike, si dhe trajtimin e viktimave të trafikimit me qenie njerëzore sipas standardeve me të larta për të drejtat e njeriut”, thuhet në njoftimin e Policisë së Kosovës./Gazeta inFokus/

Black Friday ne Artmotion

Sponsoruar