Lajme

Policia e Kosovës: 16 ditë aktivizim kundër dhunës në familje

Autori: Gazeta inFokus 16:20 | 29 November 2019

Policia e Kosovës ka njoftuar se nga 25 nëntori për nder të fushatës “16 ditë aktivizim kundër dhunës në familje” ka mbajtur ligjerata për dhunën në familje në dy shkolla të mesme në Prishtinë.

Në këto ligjerata kanë marrë pjesë gjithsej 105 nxënës e organizuar nga Drejtoria e Policimit në Bashkësi konkretisht Sektori për Parandalimin e Dhunës në Familje

“Këtë vit Dita Ndërkombëtare për Eliminimin e Dhunës Ndaj Grave ka filluar paralelisht me aktivitetet e kampanjës botërore “16 ditët e aktivizimit kundër dhunës në familje”. Për nder të kësaj dite dhe 16 ditëve aktivizëm kundër dhunës ndaj grave, janë mbajtur ligjërata për dhunën në familje në dy shkollat të mesme në Prishtinë në bashkëpunim dhe koordinim me përfaqësues nga Kuvendi Komunal i Prishtinës. Në kuadër të këtij aktivitet kanë qenë prezentë gjithsejtë 105 nxënës”,thuhet në njoftimin e PK-së.

Këto aktivitete përfundojnë me 10 dhjetor pikërisht në Ditën Ndërkombëtare për të drejtat e njeriut./Gazeta inFokus/

Të tjera