Lajme

Policia: 825 kilogramët e drogës që erdhën nga Shqipëria kishin destinacion Perëndimin

Autori: Gazeta inFokus 15:28 | 01 May 2017

Policia e Kosovës me drejtori rajonale në Ferizaj, ka realizuar një operacion policor të kundër trafikimit me substanca narkotike ku është konfiskuar një sasi prej 825 kg marihuanë, gjashtë vetura dhe 26 telefona celularë.

Ky operacion është zhvilluar në tre faza të aksioneve policore.

Në operacionin e fundit më 30 prill në fshatin Sojevë, në një shtëpi të pabanuar me 20 tavolina druri e kanë kamufluar marihuanën dhe kanë hasur në 500 kg.

-Advertisement-

Droga ka ardhur nga Shqipëria, e Kosova ka qenë vend transit për të udhëtuar drejt vendeve perëndimore.

Janë arrestuar mbi 12 persona dhe dy të tjerë në kërkim. Prej këtyre një është maqedonas ndërsa të tjerët kosovarë, njofton Klan Kosova.

Dy nga të dyshuarit kanë qenë të njohur për policinë për vepra penale me narkotikë.

Ky operacion ka zgjatur tre muaj. Hetimet janë duke vazhduar.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme