Policët që u rrëmbyen do të vizitohen sot nga familjarët, MPJ thotë se janë siguruar ilaçet për njërin
![](https://gazetainfokus.com/wp-content/uploads/2023/06/Screenshot-2023-06-16-130922-1-852x460.png)
Autori: Gazeta inFokus
15:11 | 23 June 2023
Tre policët kufitarë të Kosovës që u rrëmbyen nga forcat serbe para më shumë se një jave, do të vizitohen për herë të parë nga familjarët e tyre gjatë ditës së sotme. Ata po mbahen në Qendrën e Paraburgimit në Kralevë, pasi iu është caktuar masa e paraburgimit prej një muaji.
Konfirmimin se një vizitë e tillë do të realizohet e ka dhënë Ministria e Punëve të Jashtme, në një përgjigje për Gazetën Express.
“Ministria e Punëve të Jashtme dhe Diasporës, përmes Zyrës Ndërlidhëse të Republikës së Kosovës në Beograd e cila është në komunikim të vazhdueshëm me familjarët dhe zyrtarët policorë, është njoftuar se vizita e familjarëve të policëve të Republikës së Kosovës që po mbahen në Kralevë pritet të zhvillohet gjatë ditës së sotme”, kanë deklaruar nga kjo Ministri.
MPJ ka thënë se është konfirmuar edhe që tashmë janë dërguar medikamentet e nevojshme mjekësore për zyrtarin policor Shemë Mustafa.
“Po ashtu, nga komunikimi që ka mbajtur Zyra Ndërlidhëse e Republikës së Kosovës në Beograd me avokatin mbrojtës, është konfirmuar se tashmë janë dërguar të gjitha medikamentet e nevojshme për zyrtarin policor, z. Shemë Mustafa”, thuhet në përgjigjen e MPJ’së për Express.
Për trajtimin që po u bëhet atyre në këtë qendër, është deklaruar para tri ditësh Kryediplomatja Donika Gërvalla.
Ajo ka thënë se sipas bisedave që zyrtarët policorë kanë bërë me Shefin e Zyrës Ndërlidhëse të Kosovës në Serbi, trajtimi nga gardianët dhe stafi tjetër është korrekt.
“Nga momenti i shqiptimit të masës së zgjatjes së paraburgimit për 30 ditë, tre oficerët janë vendosur në Qendrën e Paraburgimit në Kralevëve. Ata janë të vendosur në dhoma të veçanta tek e tek, mirëpo nuk kanë qasje as në TV ose në ndonjë formë të mediave të shkruara ose tjera. Sipas tyre, trajtimi nga gardianët dhe stafi tjetër është korrekt, atyre u jepet ushqim në baza të rregullta ditore, edhe pse sipas njërit prej tyre cilësia është jo e mirë. Dje autoritetet e burgut iu kanë dhënë ndërresa të brendshme dhe aksesorë të higjenës, por Mustafa ka thënë se i mungojnë medikamentet bazike që i përdor rregullisht për gjendjen shëndetësore dhe kjo po ia vështirëson qëndrimin në burg. Përmes Jasahrit dhe kontaktit me familjen e tij do të përpiqemi që të sigurojmë medikamentet për Mustafën”, kishte deklaruar Gërvalla.
Kryeministri Albin Kurti ka deklaruar qe disa herë se policët janë rrëmbyer brenda territorit të Kosovës, dhe ka kërkuar lirimin e menjëhershëm të tyre dhe pa kushte.
“Ata që pretendojnë se policët janë arrestuar në Serbi, duhet ta shpjegojnë se si lidhëset e tyre të plastikës si pranga, kanë qenë pikërisht në vendin ku tashmë kemi njoftuar në konferencën e 15 qershorit, unë bashkë me ministrin Sveçla, pas Mbledhjes së Këshillit të Sigurisë së Kosovës, pra 1 kilometër larg kufirit në njërën anë, në pjesën veriperëndimore, 670 metra larg në veri –verilindje nga kufiri me Serbinë dhe 300 metra në jugperëndim të kufirit sërish larg prej Serbisë, e në brendi të territorit të Kosovës.
Vendngjarja e rrëmbimit të tre policëve të Kosovës ka ndodhur në Kosovë. Nuk bëhet fjalë për kurrfarë arrestimi në Serbi, bëhet fjalë për rrëmbim në Kosovë. Për rrëmbimin, janë kontaktuar të gjithë mekanizmat vendor dhe ndërkombëtar që policët tanë të lirohen sa më parë dhe të kthehen në vendin e tyre”, ka thënë Kurti në konferencë.
Ai kishte zbuluar deklaratat e tre zyrtarëve lidhur me atë se si ka ndodhur i gjithë rasti.
“Janë tri rrëfime ndaras identike të tre njerëzve të cilët thonë se në momentin e rrëmbimit me 14 qershor kanë qenë tek tryeza e improvizuar për ngrënie, pra kanë qenë duke ngrënë drekë së bashku, kur 15 persona i kanë rrethuar, i kanë sulmuar dhe i kanë rrëmbyer. Të tre kanë qenë bashkë dhe që të tre e thonë rrëfimin e njëjtë kur pyeten ndaras nga njëri-tjetri nga ambasadori ynë, Jetish Jashari. Kjo heq çfarëdo dileme edhe për ata të cilët dëshirojnë të jenë skeptikë për të drejtën e Kosovës, se Serbia ka zhvilluar agresion me 14 qershor dhe ka rrëmbyer tre policët tanë”, kishte shtuar Kurti.
Kërkesën për lirimin e zyrtarëve policorë Kurti ka thënë se e ka paraqitur edhe dje në takimin që ka pasur me Shefin e Diplomacisë së BE’së, Josep Borrell dhe të dërguarin e Posaçëm të BE’së për dialogun Kosovë-Serbi, Mirosllav Lajçak.
Edhe Shtetet e Bashkuara të Amerikës (SHBA), Mbretëria e Bashkuar dhe Gjermania, kanë bërë thirrje për lirimin e tre policëve kufitar të Kosovës.
![](https://gazetainfokus.com/wp-content/uploads/2024/01/albulena1.jpg)
Të tjera
-
“Serbia do të nxisë situata që i duhen për agjendën e saj, Kosova të ketë kujdes”
Ish-kryenegociatorja, Edita Tahiri, tha se Serbia po punon vazhdimisht për kr...
-
Kryetari i Suharekës po qëndron në QKMF me të lënduarit nga aksidenti në Carralevë
Së paku tre persona kanë pësuar lëndime të lehta trupore si pasojë e aksident...
-
Reagon presidenca: Osmani s’ka blerë asnjëherë biletë biznes klase, kompania ia caktoi ulësen
Këshilltari për media i presidentes së Republikë së Kosovës, Bekim Kupina, ka...
-
Specialja merr vendimin e radhës për Haxhi Shalën
Paneli i Gjykatës Supreme të Speciales ka hedhur poshtë kërkesën e Haxhi Shal...
-
Dorëzohet në Kuvend peticioni për projekt-ligjin për parandalimin e vẹṭëvrạsjẹs me mbi 13 mijë nënshkrime
Në ditën botërore të parandalimit të vetëvrasjeve, organizata “Linja e Jetës”...
-
Aksident i rëndë në Kukës, vdẹs 46-vjeçari, lëndohet vajza e mitur
Një aksident i rëndë ka ndodhur mëngjesin e kësaj të marte në Kukës. Sipas...
-
Osmani udhëton drejt Polonisë për Samitin global “Vital Voices Summit
Presidentja e Kosovës, Vjosa Osmani ka udhëtuar për në Poloni për të marrë pj...
-
Vdes në vendin e punës vëllai i ish-ministrit të Kosovës
Vëllai i ish-ministrit të Bujqësisë, Idriz Vehapi, Ramiz Vehapi ka ndërruar j...
-
Osmani udhëton drejt Polonisë për Samitin global “Vital Voices Summit
Presidentja e Kosovës, Vjosa Osmani ka udhëtuar për në Poloni për të marrë pj...
-
Abdixhiku takon shefin e ri të zyrës së BE-së, flasin për zgjedhjet e 9 shkurtit
Kryetari i LDK-së, Lumir Abdixhiku, ka pritur sot në takim shefin e ri të Zyr...
-
Sulmuan policët, arrestohen 4 të rinj serb në Mitrovicë Veriore
Policia e Kosovës mbrëmë rreth orës 00:20 ka arrestuar katër serbë në Mitrovi...
-
Austriaku ma*sakron me ṭḥịkë shqiptarin për shkak se bënte zhurmë
Një austriak 30-vjeçar ra në prangat e policisë për shkak se plagosi rëndë me...