Sport

Pogba sulmon Mourinhon: Tani po sulmojmë dhe po sillemi si Manchesteri

Autori: Gazeta inFokus 09:17 | 02 January 2019

Priti shkarkimin e trajnerit për të shpërthyer dhe për të justifikuar 100 milionët e shpenzuar në merkato por tani Paul Pogba’ ka ironizuar Jose Mourinhon, teknikun me të cilin pati një marrëdhënie të vështirë në “Old Trafford”. Mesfushori francez ka qenë protagonist në ndeshjet e fundit të Manchester United.

Largimi i Jose Mourinhos ka sjellë rilindjen e disa prej lojtarëve të Manchester United, ndërsa Ole Gunnar Solskjaer ka rikthyer qetësinë në ekip, ka sjellë argëtim dhe futboll sulmues. Të lumtur me klimën e re brenda skuadrës tani lojtarë si francezi po ngjitin shkallët në renditje.

“Me Solskjaer është ndryshe, edhe pse kemi fituar ndeshje dhe me trajnerin paraardhës. Stili i lojës është ndryshe, tani jemi më sulmues, krijojmë më shumë raste dhe luajmë më përpara. Trajneri dëshiron që të sulmojmë dhe ne duam të njëjtën gjë. Ndoshta sapo e kemi kuptuar se ne jemi Manchester United dhe se duhet të jemi gjithmonë në vendet e para në renditje. Tani po zbaviten të gjithë dhe kjo është ajo që kemi nevojë”, tha Pol Pogba.

-Advertisement-

Deri para pak ditësh, Pogba ishte me valixhe në duar për t’u larguar nga Manchesteri, por tashmë me ndërrimin e trajnerit, pritet që francezi të bëjë një hap pas dhe të qëndrojë gjatë në “Old Trafford”.

Subscribe në YouTube: GAZETA INFOKUSI