Lajme

​Plani urbanistik për “Kalabrinë”, tensione e përplasje mes Ramës dhe opozitës

Autori: Gazeta inFokus 13:54 | 24 May 2024

Kuvendi Komunal i Prishtinës është duke mbajtur seancën e rregullt në të cilën po diskutohet për planin urbanistik të lagjes Kalabria.

Të zëshëm ishin deputetët nga opozita, AAK dhe AKR, të cilët kërkuan që komuna të ndryshojë mënyrën e planit urbanistik, raporton Kosovapress.

Seanca është përcjellë me shumë tensione e përplasje, kurse kryetari Përparim Rama tha se janë të gatshëm që në një seancë tjetër ta fusin në rend dite planin për Kalabrinë.

-Advertisement-

Asamblisti nga Aleanca për Ardhmërinë e Kosovës, Bahri Gashi, ka akuzuar komunën për tentim të betonizimit të Kryeqytetit.

Por i menjëhershëm ka qenë reagimi i të parit të kryeqytetit i cili e ka kundërshtuar këtë gjë, duke thënë se “ne nuk betonizojmë, por bëjmë punë”.

Të pranishëm në këtë seancë ishin edhe banorët e lagjes Kalabria të cilët nga Rama kërkuan t’i mbajë premtimet.

Dje, Klan Kosova raportoi për tentim e Përparim Ramës për kontrabandimin e draftplanit për zhvillimin komunal.

Subscribe në YouTube: GAZETA INFOKUSI
Çka do të thotë të gatuash shqip?

Të tjera