Lajme

Petkovic e alarmon BE-në, kryeministri i Kosovës po “shkakton kriza sërish”

Autori: Gazeta inFokus 12:49 | 17 January 2023

Qeveria e Kosovës të hënën ka miratuar vendimin për shpalljen me interes të veçantë publik të pronave të paluajtshme të cilat janë të nevojshme për realizimin e “Projekteve Infrastrukturore për Interes Publik”, Zonat Kadastrale: Dren dhe Leshak, Komuna Leposaviq”, është thënë në njoftimin e zyrës së kryeministrit.

Kjo ka ngjallur reagimin e drejtorit të së ashtuquajturës “Zyre për Kosovën”, Petar Petkoviq.

Për këtë Petkoviq ka kërkuar sqarim nga emisari i Bashkimit Evropian për dialogun Kosovë-Serbi, Miroslav Lajçak.

-Advertisement-

“Miroslav Lajçak dhe përfaqësuesit ndërkombëtarë duhet të reagojnë për vendimin e Prishtinës për marrjen e tokës serbe në Leposaviq. E dimë shumë mirë që herën e fundit shpronësimi çoi në ndërtimin e bazave të paligjshme”, ka shkruar ai në Twitter.

Sipas Petkoviqit, kryeministri i Kosovës po “shkakton kriza sërish”.

“Kurti edhe një herë po shkakton kriza me lëvizje të njëanshme, në dëm të popullit serb. Presim reagimin e BE-së”, ka thënë Petkoviq.

Ndërkohë dje kryeministri Albin Kurti në mbledhjen e Qeverisë është miratuar vendimi për shpalljen me interes të veçantë publik të pronave të paluajtshme. “Qeveria e Republikës së Kosovës ka zhvilluar mbledhjen e radhës korresponduese, në të cilën është miratuar vendimi për shpalljen me interes të veçantë publik të pronave të paluajtshme të cilat janë të nevojshme për realizimin e “Projekteve Infrastrukturore për Interes Publik”, Zonat Kadastrale: Dren dhe Leshak, Komuna Leposaviq”, thuhet në njoftimin e zyrës së kryeministrit.

“Sipas vendimit, për realizimin e “Projekteve Infrastrukturore për Interes Publik” është e nevojshme që të iniciohen dhe kryhen procedurat e shpronësimit dhe vlerësimit të pronës për të gjithë pronarët e evidentuar”, vazhdon njoftimi.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme