Shëndetësi

Përse puçrra ju del gjithmonë në të njëjtin vend?

Autori: Gazeta inFokus 19:58 | 24 October 2018

Nëse puçrrën nuk e ndrydhni siç duhet, mund të ndodhë që skaji i mukozës së vrimës do të dëmtohet dhe të bëjë që qelbi nga puçrra të rrëshqasë edhe më thellë në lëkurë.

A keni pyetur ndonjëherë përse shpesh ju shfaqet puçrra në të njëjtin vend?

Nëse keni puçërr nën lëkurë e cila nga muaji në muaj shpërthen, mirëpo nuk arrin në sipërfaqe, mase fjala është për cist, transmeton Telegrafi.

-Advertisement-

Ekzistojnë shumë faktorë të cilët ndikojnë në shfaqjen e puçrrave, nga hormonet, lëkura e papastër dhe vrimat e mbyllura.

Njëri ndër shkaqet e rishfaqjes së puçrrave mund të jetë edhe ndrydhja joprofesionale…Inflamacioni mbetet edhe më tej aktiv dhe në atë vend sërish mund të shfaqet puçrra.

Një ndër shkaqet e shfaqjes së shpeshtë të puçrrave në të njëjtin vend mund të jetë edhe cisti. Nëse ju përsëritet diçka e tillë disa muaj, më së miri është që të shkoni te dermatologu.

Nëse e prekni shpesh fytyrën me duar, p.sh. nëse mbështeteni në bërryl para kompjuterit, ekziston mundësia e madhe që në atë vend shpesh t’ju dalin puçrra.

Nëse bartni syze mund të ndodhë që nuk i pastroni rregullisht, nën pjesën e cila prek hundën shfaqen puçrra të cilat përsëriten. Përpiquni t’i pastroni rregullisht, apo ta pastroni edhe vendin në hundë në të cilin i mbani syzet.

Nëse ndukni qimet nga faqet, atëherë lini vrima të zbrazëta në të cilat mund të hyjnë bakteret dhe ndyrësirat të cilat mund të shkaktojnë puçrra në vendin në të cilin shpesh i eliminoni qimet.

Në faqe mund të keni në të njëjtin vend puçrra për shkak të celularit të cilin e mbështetni për faqe. Celularët janë përplot baktere të cilat lehtë barten në fytyrë dhe krijojnë puçrra. Provoni që sa më shpesh ta dezinfektoni celularin tuaj.

Puçrrat hormonale janë të njohura për shumicën e femrave, sepse shfaqen para menstruacioneve, madje më shpesh në mjekër dhe përgjatë nofullës. Për të penguar shfaqjen e tyre nga muaji në muaj, para fillimit të ciklit, në atë vend shpesh vendosni maskë nga argjila e cila do t’i pastrojë ato zona.

Subscribe në YouTube: GAZETA INFOKUSI