Lajme

Përparim Rama me një ‘Super Lajm’, numëron disa projekte

Autori: Gazeta inFokus 21:41 | 23 August 2023

Kryetari i Komunës së Prishtinës, Përparim Rama sot ka treguar për disa projekte që kanë filluar punimet, shkruan Gazeta Infokus.

Ai përmes një postimi në “Facebook”, këto projekte i ka quajtur si një “Super Lajm”.

“SUPER LAJM. Filluan punimet në rregullimin e infrastrukturës për funkisonalizimin e: Parkingut të madh në hyrje të Prishtinës. Tregut të drunjëve dhe lëndëve tjera djegëse, sepse nuk do të lejohen më tutje që këto produkte të shiten në zonën urbane, përkatësisht në zona të banimit në kryeqytet. Tregu i veturave nuk do të jetë më në Zonën Industriale në Fushë Kosovë por do ta zhvendosim pikërisht në këtë lokacion ku kemi filluar punimet, në Kodrën e Trimave. Autoshkollat do ta kenë lokacionin e veçantë. Ato do të zhvendosen nga “Stacioni i Autobusëve” në lokacionin i cili do të rregullohet në Kodrën e Trimave.”, ka shkruar Rama.

-Advertisement-

Ndryshe ai përmes këtioj njoftimi ka thënë se komunikacioni do të ketë shumë lehtësime kur ta përmbyllim këtë projekt.

“Së bashku me Drejtorin e Investimeve Kapitale, Krenar Xh Xhaferi dhe Drejtorin e Inspektoriatit të Kryeqytetit, Florian Dushi vizituam punimet të cilat tashmë vetëm se kanë filluar në realizimin e këtij projekti të madh”, ka shkruar tutje Rama./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI