Lajme

Përmbytjet në Bosnje, raportohet për viktima dhe një numër të madh të të lënduarve dhe të zhdukurve

Autori: Gazeta inFokus 11:08 | 04 October 2024

Reshjet e shiut në 24 orët e fundit në zonën e komunave Jabllanicë, Konjiq, Kiseljak, Fojnicë dhe Kreshevë kanë shkaktuar probleme të mëdha për banorët e këtyre komunave në Bosnje dhe Hercegovinë.

“Për shkak të reshjeve të mëdha dhe rrëshqitjeve të dheut, një popullatë e madhe është në rrezik, me informacione se ka viktima si dhe një numër të madh të të lënduarve dhe personave të zhdukur”, njoftoi Administrata Federale e Mbrojtjes Civile atje. Ministri i linjës konfirmoi informacionin se ka viktima.

“Trafiku, lidhjet telefonike dhe interneti janë të ndërprera. Duke filluar nga Mostari, në Dreznicë, një përrua i madh i Drezhankës shkatërroi disa ura, rrëmbeu rreth 20 vetura dhe tani për tani nuk kemi informacion për viktima njerëzore në atë zonë. Për shkak të rrëshqitjes së dheut rruga M-17 në drejtim të Jabllanicës së Jashtme është e pakalueshme”, thuhet në raport, ndërsa nga terreni ka ardhur informacione se dy persona kanë mbetur të vdekur, raporton N1, transmeton Klan Kosova.

-Advertisement-

“Situata më e vështirë theksohet të jetë në Jabllanicë dhe në rrethinë, ku ka pasur një numër të madh të rrëshqitjeve të dheut nëpër shtëpi, rrëshqitje të dheut në rrugë dhe vërshime të shtëpive që ndodhen te liqeni”, njoftoi Mbrojtja Civile.

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme