Kuvendi i Kosovës në seancën e sotme plenare ka miratuar të tre Projektligjet për transformimin e FSK-së në Ushtri.

Me 96 vota për Kuvendi i Kosovës i hapi rrugë ushtrisë së Kosovës.

Gazeta inFokus ju sjell një përmbledhje të të gjitha lajmeve lidhur me transformimin e FSK-së në Ushtri.

LEXO EDHE: A ka para Kosova për ta bërë ushtrinë?

Buxheti i Kosovës nuk do të kursehet për ushtrinë.
Kështu kanë deklaruar në disa raste krerë të institucioneve kosovare.

LEXO EDHE: 6+ përkrah formimin e ushtrisë

Deputeti i Kuvendit të Kosovës nga radhët e 6+, Albert Kinolli ka deklaruar se do të votojnë pro formimit të ushtrisë.

Ai po ashtu ka shtuar se është ndër për ta të bëhen pjesë e themelit të ushtrisë, shkruan Gazeta Infokus.

LEXO EDHE: Miratohet projektligji i parë për FSK-në

Kuvendi i Kosovës ka miratuar projektligjin e parë për Forcën e Sigurisë së Kosovës.

Ky projektligj është miratuar me 98 vota pro asnjë kundër dhe asnjë abstenim.

LEXO EDHE: Kompletohet ushtria e Kosovës

Me 96 vota për ka kaluar edhe projektligji i fundit për shndërrimin e FSK-së në ushtri.
Të gjithë deputetët të cilët votuan ishin PËR, raporton Gazeta inFokus.

LEXO EDHE: Ushtria pa helikopter!

Kuvendi i Kosovës i hapi rrugë të enjten ushtrisë së Kosovës.

Por, përkundër disa premtimeve, ushtarëve të ardhshëm të Kosovës po i mungojnë helikopterët.

LEXO EDHE: Këto janë ligjet e Ushtrisë së Kosovës

Kuvendi i Kosovës në seancën e sotme plenare ka miratuar pakon e Projektligjeve për FSK-në.

Gjatë kësaj seance u miratua projektligji për Ministrinë e Mbrojtjes, projektligji për Forcën dhe Sigurinë e Kosovës dhe projektligji për shërbim në Forcën e Sigurisë së Kosovës.

LEXO EDHE: A do të shkojnë ushtarë kosovarët?

Shumë familje kosovare, kanë kujtime të hidhura nga ushtria e ish-Jugosllavisë. Disave u janë kthyer djemtë në arkivol e disa kanë humbur të bijtë duke ikur nga regjimi që i kërkonte për ushtarë, shkruan gazeta inFokus.

Por, sistem i tillë ushtarak dhe një frikë e ngjashme nuk ekziston më.

LEXO EDHE: Ky është betimi i ushtarit të Republlikes së Kosovës

Në rast të formimit të Ushtrisë së Kosovës, të gjithë pjesëtaret e saj do të betohen para se të marrin dëtyren.

Kjo është deklarata e betimit

“Betohem solemnisht se do të jem i
përkushtuar dhe do t’i qëndroj plotësisht
besnik Republikës së Kosovës, se do t’iu
bindem urdhrave të Presidentit të
Republikës së Kosovës dhe oficerëve tjerë
mbi mua, në pajtim me ligjin, dhe se do t’i
kryej detyrat e mia me zell, nder dhe dinjitet. Betohem solemnisht se do të zbatoj
Kushtetutën e Republikës së Kosovës, do t’i
shërbej popullit dhe Atdheut tim, dhe për
mbrojtjen e tyre, nuk do të kursej as jetën
time! Betohem!”

LEXO EDHE: Ushtarët e Kosovës duhet të qëndrojnë larg politikës

Pjesëtarët e Ushtrisë së Kosovës nuk duhet të kenë lidhje me partitë politike.

Në nenin e 6 të ligjit për Forcën dhe Sigurinë e Kosovës thuhet se pjesëtarët e Forcës së Sigurisë së Kosovës duhet të kenë paanshmëri politike.

LEXO EDHE: FSK-ja shkon edhe në veri

Projektligjet të cilat u miratuan para pak kohe në Kuvendin e Kosovës, do t’ia mundësojnë Forcës së Sigurisë së Kosovës të shkojë edhe në veri.

LEXO EDHE: Mosha e duhur për t’u bërë pjesë e ushtrisë

Veç kritereve të tjera që duhet plotësuar për t’u bërë pjesë e Ushtrisë së Kosovës, është edhe mosha.
Pjesëtaret e ushtrisë duhet të jenë gjithësesi mbi moshen 18 vjeçare.

LEXO EDHE: Në këto raste ndodhin përjashtime nga Ushtria e Kosovës

Pjesëtarët e Ushtrisë së Kosovës mund të përjashtohen nëse nuk u përbëhen disa rregullave.

Nëse ata dënohen me burg atëherë e humbin epitetin e ushtarit.

LEXO EDHE: Ky është orari i punës së ushtarëve të Kosovës

Ushtarët e Kosovës do të punojnë njëjtë si ata të administratës publike.

Sipas ligjit për shërbim në Forcën dhe Sigurinë e Kosovës, pjesëtarët e ushtrisë do të punojnë 40 orë në javë./Gazeta inFokus/

Birra të ftohta e me shumë ZBRITJE veç në Viva Fresh!

Sponsoruar