Rozë

Performanca emocionuese e Pink në Grammys (VIDEO)

Autori: Gazeta inFokus 14:18 | 29 January 2018

Pink performoi një version energjik të baladës orkestrale “Wild Hearts Can’t Be Broken” në ceremoninë e ndarjes së çmimeve Grammy 2018.

Këngëtarja e njohur e muzikës pop qëndroi në mes të skenës bashkë me një përkthyes të gjuhës së shenjave që jetësonte fjalët e tekstit të fuqishëm të këngës.

Këngëtarja e hitit “What About Us” ishte e nominuar për performancën më të mirë Solo Pop në Grammys 2018, por humbi nga “Shape of You” e Ed Sheeran, transmeton Klan Kosova.

-Advertisement-

P!nk ka fituar tre çmime Grammy gjatë karrierës së saj, duke përfshirë atë për performancën më të mirë për vokalin rock për këngën “Trouble” si dhe çmimin për bashkëpunimin më të mirë në zhanrin Pop për për “Lady Marmalade”.

Në muajin tetor, ajo ka lansuar albumin e saj “Beautiful Trauma”, i pari në pesë vjet.

Në kohën kur albumi i saj doli në publik, P!nk poashtu ka paralajmëruar edhe një turne botëror i cili do të nisë në muajin mars në Phoenix dhe përfundon në Zelandë të Re në muajin shtator.