Lajme

Përforcohet AAK-ja, këto janë aderimet e reja

Autori: Gazeta inFokus 18:29 | 26 May 2017

Aleancës dhe të nominuarit për kryeministër të Kosovës, Ramush Haradinaj, cdo ditë po i bashkohen intelektualë e qytetarë nga të gjitha anët e Kosovës.

Sot në selinë e Aleancës ka aderuar një numër i madh i të rinjve nga Kamenica, të cilët i takoj dhe iu uroi mirëseardhje kryeministri në ardhje, Ramush Haradinaj.

Të rinjtë që iu bashkuan Aleancës, thanë se “kjo është mënyra më e mirë për t’i kontribuuar të ardhmes së gjeneratës sonë, sepse me Ramush Haradinajn kryeministër, Kosova do të jetë e zonja t’i përmbushë nevojat e gjeneratës së re, për të ndërtuar jetën e për të patur punë e mirëqenie”.

-Advertisement-

I nominuari për kryeministër, Ramush Haradinaj, iu premtoi të rinjve se pas 11 Qershorit do të jetë në krye të qeverisë, për t’iu shërbyer qytetarëve dhe të rinjve të shtetit të Kosovës.

Ai tha se me koalicionin, Kosovës po i hapen dyer të reja, për t’i përmbyllur proceset e rëndësishme dhe për të marrë vendime të mëdha për vendin.