Sport

Perez: E di se Ronaldo është i nervozuar, por do të qëndrojë

Autori: Gazeta inFokus 08:38 | 28 June 2017

Florentino Perez mendon se Cristiano Roanldo do të qëndrojë në Madrid

Numri një i Real Madridi, Florentino Perez, thotë se katër herë fituesi i “Topit të Artë”, Cristiano Ronaldo do të qëndrojë te Los Blancos, teksa shtoi se e kupton pse portugezi është i nervozuar.

32 vjeçari është duke u akuzuar për evazion fiskal në Spanjë, diçka që e ka shtyrë të mendojë seriozisht largimin gjatë verës.

-Advertisement-

Perez nuk e mohoi se ndoshta Ronaldo është i nervozuar me klubin që nuk e ka mbështet më fuqishme pas akuzave, por mendon se nuk do të largohet.

“E di se Cristiano është i nervozuar, por mendoj se do të qëndrojë”, tha Perez për esRadio.

“Nuk ka folur me të”, tha Perez për Ronaldon. “Gjëja e vetme që duhet të bëjmë është të presim dhe të bisedojmë pas Kupës së Konfederatave”.

Perez më tej ka treguar se ka folur me agjentin e lojtarit, Jorgen Mendes, duke thënë se këtu gjërat janë ekzagjeruar paksa.

“Kam folur me Mendesin rreth Cristianos. Nuk ka nevojë që të brengosemi më shumë se që duhet”, shtoi Perez.

Perez gjithashtu ka mbështetur sërish portugezin pas akuzave për evazion fiskal.

“Ai është njeri me integritet dhe do t’i përmbush detyrat e tij. Ka shumë njerëz që kanë dashur ta lëndojnë me taksa dhe tema tjera dhe ai e ndjen atë”.

Ronaldo aktualisht është me Portugalinë në Kupën e Konfederatave, ku sonte do të kërkojë finalen në këtë garë, që do të përballet me Kilin në gjysmëfinale.

Subscribe në YouTube: GAZETA INFOKUSI