Sport

Përdori gjuhë banale në rrjete sociale, KD i FFK-së hapë procedurë disiplinore ndaj Munishit

Autori: Gazeta inFokus 22:44 | 15 December 2020

Trajneri i Ballkanit, Ismet Munishi, ishte tejet i nervozuar pas humbje nga Prishtina me rezultat 2-1, në kuadër të xhiros së 18-të në Superligë, shkruan Gazeta inFokus.

Tekniku prishtinas nuk arriti ta përmbante nervozizmin e madh dhe në mbrëmjen e së dielës publikoi statuse në llogarinë e tij zyrtare në facebook, ku përdori fjalë fyeses.

E ndaj gjuhës së përdoruar nga trajneri i Ballkanit, Komisioni Disiplinor i shkallës së parë, ka hapur procedurë disiplinorë ndaj Munishit.

-Advertisement-

Më poshtë keni inicimin e KD-së të FFK-së.

ISMET MUNISHI; kryetrajner i klubit të futbollit BALLKANI me numër të ID kartelës ; 009766M74 në procedurë të iniciuar disiplinore nga ana e komisionit të garave, për mos respektimin e kodit të sjelljes (shkelje e dispozitave të kodit të sjelljes) në ndeshjen e javës së; XVIII të Superligës së Kosovës në futboll për kategorinë e seniorëve; PRISHTINA – BALLKANI e zhvilluar me datë 13.12.2020 në stadiumin “Fadil Vokrri“ në Prishtinë. Raportet zyrtare nga ndeshja e zhvilluar (pas përfundimit të ndeshjes për media dhe rrjete sociale përdor fjalor të pa përshtatshëm, ofendues., linçues, fyes, banal, nënçmues dhe degradues ndaj personaliteteve sportive, që është në kundërshtim me etikën, edukatën dhe kodin e sjelljes së punëtorëve sportiv – trajnerit të futbollit). Bazuar në nenin 32 paragrafi 1 i Rregullores disiplinore (në mungesë të deklaratës) ; I HAPET PROCEDURA DISIPLINORE deri në kompletimin e lëndës. Kërkohet deklarata plotësuese nga kryetrajneri Ismet Munishi lidhur me rastin. Afati datë 21.12.2020./Gazeta inFokus/

Subscribe në YouTube: GAZETA INFOKUSI