Lajme

Për shkak të mungesës së ujit, sot nuk po realizohen operime në Spitalin e Mitrovicës

Autori: Gazeta inFokus 12:00 | 10 January 2023

Mitrovica po vazhdon të përballet me mungesë të furnizimit të rregullt me ujë, duke vështirësuar kështu jetën e qytetarëve dhe funksionimin normal të jetës.

Ndalja e furnizimit me ujë nga KRU “Mitrovica” ka krijuar probleme të mëdha edhe në Spitalin e Mitrovicës, ku po shtyhen operimet e planifikuara për sot.

Këtë e ka konfirmuar edhe drejtoresha e Spitalit të Mitrovicës Luljeta Zhubi Buçinca.

-Advertisement-

Ajo në një deklarim për Gazetën Online Veriu.info ka konfirmuar se si pasojë e mungesës së ujit operimet e planifikuara nuk po realizohen.

“Për shkak të mungesës së ujit operimet e planifikuara sot nuk po mbahen. Rezervat e ujit ruhen për rastet e operimeve urgjente” – deklaroi drejtoresha Zhubi.

Kujtojmë që menaxhmenti aktual i KRU “Mitrovica” po vazhdon dështimin në menaxhim duke rikthyer reduktimet e viteve të paluftës me ujë.

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme