Lajme

Për herë të parë në QKUK kryhet operacioni i largimit të tumorit të hipofizës

Autori: Gazeta inFokus 14:23 | 19 January 2022

Shërbimi Spitalor Klinik dhe Universitar i Kosovës ka njoftuar se në Klinikën e Neurokirugjisë në QKUK, për herë të parë është kryer operacioni i largimi i tumorit të hipofizës (gjëndra hormonale në tru), nëpërmjet rrugës nazale me qasje transfenoidale.

Përmes një postimi në Facebook, nga SSHKUK kanë bërë të ditur se ekipi profesional i neurokirurgëve udhëhiqej nga Prof. Mentrol Petrela, i shoqëruar edhe nga neurokirurgët nga Kosova.

“Ekipi profesional i neurokirurgëve udhëhiqej nga Prof. Mentrol Petrela, i shoqëruar edhe nga neurokirurgët nga Kosova, të asistuar nga anesteziologë dhe ekipi përcjellës i Klinikë së Anesteziologjisë dhe Mjekimit Intensiv”, thuhet në njoftim.

-Advertisement-

Gjithashtu, u njoftua se ky operim shkoi me sukses, shkruan Gazeta Infokus.

“Operimi përfundoi me sukses, pacientja aktualisht është në gjendje stabile shëndetësore”, thuhet në postim.

Ndërkaq, është bërë e ditur se ky sukses është arritur falë bashkëpunimit institucional ndërmjet Kosovës dhe Shqipërisë, i cili do të zgjerohet edhe më tutje./Gazeta Infokus/

Subscribe në YouTube: GAZETA INFOKUSI