Lajme

Për blerje vote, arrestohet doganieri në Shkodër

Autori: Gazeta inFokus 13:02 | 24 June 2017

Pas informacioneve se persona të paidentifikuar po shpërndanin para në vendin e quajtur lagja ‘Guerrile’ Shkodër, efektivët e policisë ndaluan një automjet në pronësi të KESH Tiranë.

Një ekonomist 48-vjeçar i KESH dhe katër persona të tjere u shoqëruan në komisariat, ku punonjësi i KESH deklaroi se para rreth një muaji ishte autorizuar nga Korporata Energjitike Shqiptare për shpërndarjen e dëmshpërblimeve (në çeqe) në zonat e përmbytura për rrethin e Shkodrës sipas një VKM-je.

Ai me vete kishte dhe listën e personave përfitues të dëmshpërblimeve, në të cilën figuronin dhe 4 shoqëruesit e tij.

-Advertisement-

Burime nga Drejtoria e Përgjithshme e Policisë bëjnë me dije se përveç rastit të Shkodrës, janë nën gjurmim edhe disa raste të tjera, për të cilat policia është shumë afër prangosjes së personave që ofrojnë para në këmbim të votës etj.

Subscribe në YouTube: GAZETA INFOKUSI