CNN ka grumbulluar informacione të reja drithëruese dhe detaje mbi sulmin e Hamasit brenda Izraelit, përfshirë video tronditëse të realizuara nga vetë agresorët teksa mësynin shtëpitë izraelite, duke vrarë civilë e më pas duke u vrarë edhe vetë.

Kërkimet në trupat e tyre të vdekur zbuluan një sërë planesh specifike të betejës, përfshirë këto harta të detajuara, të cilat u janë dhënë CNN nga qeveria izraelite. Ato tregojnë komunitetet pranë Gazës, si Kfar Aza, të shënjestruara nga agresorët.

Këto ishin skenat tmerruese brenda, teksa militantët e armatosur regjistronin veten duke lëvizur lirshëm nëpër oborret e shtëpive izraelite.

VIDEO

“Kodi i kuq, kodi i kuq”, dëgjohet në hebraisht teksa Izraeli i përgjigjet të shtënave me armë. Pas sulmit, forcat izraelite panë vrima plumbash dhe shenja gjaku dhomë pas dhomë, në atë që duket një masakër e kryer në gjakftohtësi.

“Por ndërsa qindra izraelitë u vranë, disa komunitete arritën të sprapsin agresorët dhe të shpëtonin jetë. Në Kibbutz Mefalsim, gjithashtu pranë Gazës, banorët zbuluan dokumente në trupat e militantëve që vranë, me informacione shqetësuese dhe tepër të sakta mbi shtëpitë e tyre”, shprehet reporteri i CNN, Matthew Chance.

Përfshirë numrin e saktë të rojeve të armatosura atje. “Forcat e mbrojtjes rajonale, të paktën 20 banorë dhe 10 ushtarë”, lexohet në një dokument.

Xhirimet nga kamerat e sigurisë tregojnë se si militantët vranë një izraelit jashtë gardhit të komunitetit, para se të sprapseshin. Por pavarësisht informacioneve të detajuara mbi shënjestrat e tyre, jo çdo objektiv u arrit.

Zona e afërt e Sa’ad nuk u sulmua, edhe pse në dokumente thuhej se Hamasi synonte të shkaktonte atje një numër maksimal viktimash duke marrë edhe pengje. Një hartë e detajuar rrugore e gjetur te një tjetër agresor tregon godina individuale në Saad të vlerësuar si të rëndësishme për vlerën ushtarake.

Kuzhina komunale, përshkruhet si vendi kryesor për të mbajtur pengjet. Autoritetet izraelite thonë gjithashtu se kishin gjetur dokumente të tjera që këshillojnë agresorët të vrasin këdo që përbën kërcënim apo tërheq vëmendjen.

Në dokumente kërkohet që pengjet të mbahen larg armëve dhe të përdoren si mish për top. Tel Avivi pretendon gjithashtu se një dokument ku ka referenca ndaj ISIS dhe Al Kaedës, është gjetur te një militant i vrarë.

Thyhet REKORDI I ZBRITJEVE!

Sponsoruar