Sport

“Penallti e shpikur”, në Spanjë nis hetimi ndaj Ancelottit. Italiani rrezikon pezullimin!

Autori: Gazeta inFokus 13:06 | 31 October 2022

Real Madrid u ndal për herë të parë në këtë sezon të La Liga teksa Los Blancos nuk shkuan përtej një barazimi 1-1 në Santiago Bernabeu përballë Gironës. Një barazim që shkaktoi tension në radhët e madrilenëve, sidomos për faktin se skuadra katalanase gjeti golin e barazimit pas një penalltie të akorduar nga VAR.

Asensio prek topin me dorë në zonë dhe më pas arbtri Mario Melero Lopez edhe pas këshillimit me teknologjinë vendos të akordojë 11-metërsh. Trajneri Carlo Ancelotti protestoi ashpër ndërsa italiani nuk u përmbajt në konferencën pas ndeshjes ku theksoi se arbitri shpiku një penallti nga hiçi.

Kjo akuzë e Ancelottit nuk ka kaluar pa u vënë re nga ana e Komitetit të Arbitrave që ka nisur një hetim për trajnerin e Realit. Tashmë, Ancelotti rrezikon një pezullim prej katër ndeshjesh, ndërsa në të kaluarën, Komiteti i Arbitrave dënoi lojtarin e Valencias, Gaya pikërisht se foli publikisht kundër arbitrave.

-Advertisement-