Lajme

PDK: Kur t’i rrisim ne pagat, Kurtit do t’i vijë marre për vendimet e tij

Autori: Gazeta inFokus 09:17 | 02 November 2024

Sekretari për Anëtarësi dhe Financa i Partisë Demokratike të Kosovës, Betim Gjoshi është shprehur se Bedri Hamza si kryeministër do të rrisë pagat shumë më shumë se sa janë sot. Ai tha se kryeministri Albin Kurti “ka me i ardhë marre” kur t’i shohë.

“Për besë propozimet e pagave të zotit Kurti do të duken qesharake, atij ka me i ardhë marre, ndoshta nis dhe t’i ndërroj ato vendime, sepse tonat do të jenë shumë më serioze, punëtorët në Kosovë meritojnë më shumë”.

Gjoshi ka thënë se Hamza do të merret me problemet më të madha të qytetarëve të Kosovës.

-Advertisement-

“Kosto e jetesës, nëse është arsimi, shëndetësia, papunësia këto temat kryesore që qytetarët e Kosovës i kanë, Hamza do të iu jap zgjidhje, do t’i jap zgjidhjet jo në fund të mandatit, por në fillim. Sa do të jenë pensionet, sa do të jenë pagat, sa do të jetë mbështetja në sektorin privat, për afaristët e rinj, për veteranët e luftës, të gjitha”, tha Gjoshi në Klan Kosova.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme