Lajme

PDK-ja prishet me LVV-në në nivel lokal

Autori: Gazeta inFokus 20:56 | 08 July 2023
Vendimet e ekzekutivit ka gjasë që mos të marrin mbështetjen e deritanishme në Kuvendin e Podujevës. Kjo ngase Partia Demokratike e Kosovës hoqi dorë nga koalicioni me Lëvizjen Vetëvendosje.

Vendimi nuk lidhet me mospajtime në nivel lokal, por në atë qendror.

“Ka qenë vendim i Këshillit Drejtues që me i ndërpre të gjitha raportet me LVV-në. Kena pas bashkëpunim të mirë sepse Partia Demokratike, dega në Podujevë, i ka dy drejtor dhe kryesuesin e kuvendit komunal”, deklaroi Isak Shabani, kryetar i PDK-së në Podujevë.

Shabani pohoi se do të jenë opozitë konstruktive dhe se do të bisedojnë me subjektet tjera për mundësinë e ndonjë marrëveshje, porse nuk do të bëhen, siç tha, patericë e askujt.

-Advertisement-

Lëvizja Vetëvendosje, që është në pushtet, beson se përkundër këtyre zhvillimeve, bashkëpunimi me asamblistët nga radhët e PDK-së do të vazhdojë për hir të qytetarëve.

E nga Lidhja Demokratike e Kosovës i thanë Klanit se ende nuk kanë qëndrim lidhur me këtë çështje dhe se me një të tillë do të dalin të hënën pas mbledhjes që e kanë caktuar.

Ndërsa shoqëria civile bën të ditur se shumica parlamentare nuk mund të arrihet pa LDK-në ose PDK-në, pasi partitë tjera kanë pak asamblistë.

“Në aspektin e funksionimit të Kuvendit si sfidë shihet miratimi i buxhetit vjetor që do të duhej të përfundonte deri më 30 shtator të këtij viti, në mënyrën si është sjellë deri tash shumica ndaj opozitës, nuk presim të ketë mirëkuptim”, tha Shemsi Jashari nga “Demokracia Fillon Këtu”.

Prishja e koalicionit në Podujevë e pason atë të Gjilanit.

Betim Gjoshi i PDK-së, në Edicionin Special në Klan Kosova këtë vendim e cilësoi mesazh për partinë e Albin Kurtit.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme