PDK-ja insiston në tërheqjen e Trustit
Autori: Gazeta inFokus 12:41 | 16 April 2022
Partia Demokratike e Kosovës po vazhdon kritikat ndaj Qeverisë së Kosovës. Sipas partisë më të madhe opozitare, ekzekutivi s’ka vizion dhe ide si t’iu dal në ndihmë qytetarëve.
Vendimin e fundit të qeverisë për shtesat prej 100 euro i quajnë “vitra”, andaj insistojnë në propozimin e tyre që qeveria t’iu mundësojë qytetarëve tërheqjen e një shume të caktuar nga Trustit.
Deputeti i PDK-së, Hajdar Beqa thotë se do të insistojnë edhe përmes Kuvendit të miratohet Projektligji që mundëson tërheqjen e TRUST-it.
“Unë e shoh më shumë si ‘vitra’ të kryeministrit Kurti, shkon në harmonizim me mungesën e vizionit. Ne kemi propozuar, kur po shohim se qeveria s’ka ide si me dal nga kjo situatë, atëherë kemi propozuar që qytetarët tanë t’iu mundësohet tërheqja e mjeteve të Trustit në një shumë të caktuar. Mendoj se për këtë situatë, të dalim nga kriza, ka qenë ide e mirë dhe duhet të përkrahet edhe nga mazhoranca”, deklaron Beqa.
Deputeti opozitar kërkon nga Zyra e Rregullatorit të Energjisë të zbatojë edhe vendimin e Gjykatës Themelore që vendosi të pezullojë tarifat e reja të energjisë dhe të kompensohen qytetarët për tarifat që kanë paguar nga data 9 shkurt me çmim më të lartë.
“Është fitore e qytetarëve të Republikës së Kosovës, PDK e ka kryer punën e vet. Ne këtë kauzë e kemi ngritur shumë herët, kryetari Krasniqi ka paralajmëruar në muajt e parë të vjeshtës që qeveria të merr një mobilizim për shtrenjtimin e energjisë elektrike dhe kemi pa se këta nuk kanë ditur të menaxhojnë këtë situatë. Përveç kësaj ka edhe keqpërdorim të menaxhimit të energjisë, andaj kemi kërkuar një komision hetimor që do të ndodh shpejt. Sa i përket tarifave, kërkoj nga ZRRE-ja të respektojë këtë vendim dhe t’iu kthejë mjetet qytetarëve atë çka ju takojnë”, thotë ai.
Beqa u shpreh kritik edhe për politikën e jashtme të Qeverisë së Kosovës.
“Me keqardhje e them se nuk kemi politikë të jashtme. Edhe sot nuk ka qeveria një agjendë për politikë të jashtme. Kemi pa që edhe ministrja Gërvalla gjatë debatit i merrte si suksese thirrjet telefonike që i kanë pasur. Kemi pa se askush si ka prit, ende s’kanë pasur niveleve të larta në ShBA, kemi pa disa takime bilaterale rajonale”.
“Më shumë e kanë mbushur atë raportimin e punës së Ministrisë së Jashtme me takimet që i kanë bërë mes veti, se me ndonjë sukses që i kanë sjellë Kosovës. Në këta 12 muaj nuk kemi pa asnjë njohje dhe asnjë aplikim dhe tentim për aplikim në organizata ndërkombëtare”, shton ai.
Ndërkohë parashtron disa pyetje për kryeministrin Kurti sa i përket dialogut me Serbinë.
“Kemi pas se të gjitha kauzat që i ka pasur zotëri Kurti si lider i opozitës kanë qenë të rrejshme. Ne e kishim pyet Kurtin nga këtu, si deputet, ku mbetën raportimet para se të shkojë në Bruksel, ku mbeti ajo që thoshte se ‘nuk bisedoj me serbët e Beogradit, por të Kosovës’, ‘nuk bisedoj me Serbinë pa i kërkuar falje dhe pa u gjetur të pagjeturit’. Mendoj se kjo nuk dëshiron koment dhe qytetarët e kanë parë se këto zotëri Kurti i ka pasur për fushatë dhe jo agjendë konkrete”, përfundon ai. /KP
Të tjera
-
Shpërthen goma e avionit, dy të vdẹkur në SHBA
Një ngjarje e rëndë ka ndodhur në aeroportin e Atlantës në SHBA, ku dy person...
-
“Një i lënduạr” – Policia jep detaje për gjuajtjen me ạrmë në qendër të Prishtinës
Policia e Kosovës ka dhënë detaje në lidhje me incidentin e armatosur që ndod...
-
Arrestohet një 60 vjeçar si i dyshuar për plạgosjen që ndodhi sonte në Prishtinë
Një person raportohet se ka mbetur i plagosur në këmbë, pasi në drejtim të ti...
-
Mefail Bajqinovci i bindur: Ura do të hapet, shefi i CIA-s nuk erdhi për urë
Deputeti i LVV-së, Mefail Bajqinovci, “garantoi” se nuk do të cënohet asnjë u...
-
Raportohet për gjuajtje me ạrmë zjạrri në Prishtinë, Policia bllokon një pjesë të rrugës
Para pak minutash dyshohet se ka ndodhur një gjuajtje me armë në Prishtinë. ...
-
Zyra e kryeministrit jep detaje për takimin e Kurtit me Admiralin Stuart Munsch
Kryeministri i Kosovës, Albin Kurti priti sot në takim Komandantin e Komandës...
-
Udhëheqësi suprem i Iranit, i hapur ndaj negociatave me SHBA për programin bërthamor
Udhëheqësi suprem i Iranit la të hapur të martën mundësinë e negociatave të r...
-
Ish-presidentja Jahjaga darkon me admiralin Munsch: E falënderova për kontributin e KFOR-it
Ish-presidentja e vendit, Atifete Jahjaga, ka darkuar sonte me admiralin Stua...
-
Begaj apel ambasadorëve dhe konsujve: Kosova duhet të mbështetet në çdo rrethanë
Presidenti i Shqipërisë, Bajram Begaj u ka bërë apel ambasadorëve dhe konsujv...
-
“Angazhimi im politik ka pasojë, rezultat dhe pikënisje luftën në Kosovë” – Rrëfimi i Dardan Molliqajt
Aktivisti dhe politikani Dardan Molliqaj, ka folur mbi fillet e angazhimit të...
-
Molliqaj: Kurti nuk e përjeton Kosovën, familjen dhe pronat i ka në Norvegji
Kryetari i PSD-së, Dardan Molliqaj, tha se kryeministri i vendit, Albin Kurti...
-
Gashi: S’kemi menduar asnjëherë për hakmarrje ndaj UDB-ashve shqiptarë edhe pse s’u penduan kurrë
Ish i burgosuri politik, Ramadan Gashi, në “Debat Plus”, ka rrëfyer për tortu...