PDK e AAK thonë se me Asociacionin po jetësohet dëshira e Millosheviqit
Autori: Gazeta inFokus 08:54 | 24 April 2023
Partia Demokratike e Kosovës (PDK) dhe Aleanca për Ardhmërinë e Kosovës (AAK), e kanë quajtur Asociacionin e komunave me shumicë serbe të dëmshme dhe plotësim i dëshirës së Sllobodan Millosheviqit.
Nga PDK kanë thënë se me themelimin e Asociacionit po përmbushet formula e Millosheviqit, ndërsa nga AAK e shohin si më të dëmshme versionin aktual se sa atë të marrëveshjes së vitit 2015.
Deputeti i PDK-së, Hisen Berisha, ka thënë se pika e shtatë e marrëveshjes së Ohrit, është rikthim i ofertës së Millosheviqit për ta krijuar një Jugosllavi të re.
Ai ka thënë se Asociacioni është e njëjta me atë se çfarë ka dëshiruar ish-presidenti Millosheviq.
“Për shkak të procesit politik dhe mbylljes së tij në raport me Serbinë, këta (VV) kanë krijuar parakushte pritjet e tyre (Serbisë) dhe parakushtet e tyre janë Marrëveshja e Brukselit dhe e Ohrit, që kanë rrëshqitur tërësisht në tradhti dhe është zhbërje e shtetit të Kosovës. Kthimit në një status ose ofertë të Millosheviqit më të kahershme më shumë autonomi dhe më pak se shtet i pavarur, pra një republikë në kuadër të një Jugosllavie të re apo përmes asaj pikës 7-të që thotë se e përmbush formulën e Millosheviqit se ‘aty ku është një serb, aty do të quhet Serbi’. Asociacioni i hapur që po dëshirojnë me krijuar është se çfarë ka dëshiruar kryekrimineli i Ballkanit”, ka thënë ai.
Sipas Berishës, Asociacioni i vitit 2015, është i njëjti siç ekziston me komunat shqiptare. Ndërsa Asociacioni që derivon nga marrëveshja e Ohrit, përbën një dëm të madh për shtetësinë e Kosovës.
“Asociacioni i vitit 2015 sipas vendimit të gjykatës Kushtetuese është modeli se çfarë e kemi në Kushtetutë dhe në pako të Ahtisarit, dhe e kemi një të tillë me 33 komuna, ky model është. Pra një organizatë që koordinohen kryetarët e komunave e ndërtojnë politika në favor të komunave, dhe korrespondojnë me Qeverinë qendrore. Kurse ky nuk ka të bëjë me këtë nivel organizativ, kjo është autonomi administrative, territoriale e politike. Kjo është vetëqeverisja ‘Samoupravlanje’, është konform edukimit shkollor dhe dogmës në të cilën është ngritur dhe i ndërtuar kryeministri dhe komplet stafi i tij që e përbëjnë dhe kryekëshilltari i tij, zotëri Surroi”.
Të dëmshme e ka quajtur edhe deputeti i AAK-së, Pal Lekaj. Ai ka thënë se Kosova është dashur ta pranojë më mirë atë të vitit 2015, pasi modeli aktual është shumë më i dëmshëm.
“Sa i përket marrëveshjes së Ohrit, ne si AAK e kemi përkrahur duke u bazuar sepse çdo marrëveshje tjetër po vie edhe më e keqe dhe e papranueshme, prandaj e kemi përkrahur, me arsyetimin se ajo që e kemi pas marrëveshjen e vitit 2015, ka qenë ndoshta shumë më e mirë se sa tani që e kanë propozuar dhe mendoj që ne e kemi thënë troç që Qeveria, zotëri Kurti të jetë i vëmendshëm sa i përket draftit për Asociacionin e komunave me shumicë serbe, sepse mendoj aty mund të krijohet një nivel i tretë dhe me të drejtë e them se shumë më e përshtatshme ka qenë e vitit 2015 se sa ky aktual”, u shpreh Lekaj./EO
Të tjera
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...
-
A do të kandidojë përsëri për Presidente dhe a do të vazhdojë në politikë, Osmani çon mesazh: Nuk më heqin qafe lehtë
Presidentja e Kosovës, Vjosa Osmani, në një intervistë për “Kallxo Përnime”, ...
-
Osmani e konfirmon që s’e deshti afër Martin Berishajn gjatë vizitës në Kroaci: Ashtu kam vendosur
Presidentja e Kosovës, Vjosa Osmani, në gusht ishte në një vizitë zyrtare në ...
-
Vendimi për Calin, Specialja caktoi gjyqtarët por jo edhe seancën
Para një muaji Gjykata Supreme e Dhomave të Specializuara të Kosovës ia anulo...
-
Dështimi për anëtarësim në Këshill të Europës, kush prishi punë sipas presidentes, Kurti apo Gërvalla?
Presidentja e Kosovës, Vjosa Osmani, ka folur lidhur me moskoordinimin për le...
-
Osmani thotë se Shefi i CIA’s ka pasur vetëm një kërkesë – “S’është e jashtëzakonshme, por s’mund ta bëjë publike”
Një kërkesë nga Shtetet e Bashkuara të Amerikës është paraqitur për Kosovën n...
-
Osmani: Zgjedhjet dhe referendumi i Serbisë u ndalën në zyrën time
Presidentja e Kosovës, Vjosa Osmani, ka thënë se ajo ka qëndruar në të gjitha...
-
Ende pa datë takimi mes Kosovës dhe Serbisë
Ndonëse nuk është bërë e ditur data e takimit të ardhshëm mes Kosovës e Serbi...
-
Abdixhiku e mbështet Zhegrovën, pas përjashtimit, e quan aset kombëtar
Kryetari i Lidhjes Demokratike të Kosovës, Lumir Abdixhiku, ka reaguar pas pë...
-
Osmani flet për masat e BE-së ndaj Kosovës: Javëve të fundit disa shtete kanë kërkuar të mbeten masat
Presidentja e Kosovës, Vjosa Osmani, deklaroi se javëve të fundit janë njoftu...
-
Ben-Meir: Njohja e Kosovës nga Serbia do të përshpejtohet sapo të largohet Putini
Alon Ben-Meir, profesor amerikan në pension dhe ekspert i politikës ballkanik...