Lajme

Pasdite publikohet deklarimi i pasurisë së zyrtarëve të lartë publik

Autori: Gazeta inFokus 09:25 | 12 April 2018

Të martën e javës së kaluar, më 3 prill ka përfunduar afati për deklarimin e pasurisë për zyrtarët e lartë publik. Por, ndonëse janë bërë më shumë se një javë, Agjencia Kundër Korrupsion nuk ka publikuar akoma të dhënat e zyrtarëve në faqen zyrtare.

Ishte paralajmëruar se publikimi do të bëhej të premten, por një gjë e tillë nuk ndodhi. Drejtori i AKK-së, Shaip Havolli në një prononcim për Indeksonline ka treguar se kur do të publikohen të gjitha raportet e pasurisë.

“Të enjten kah fundi i orarit po shpresojmë me i publiku”, ka thënë shkurt Havolli.

-Advertisement-

Ditë më parë ai kishte thënë se procesi po vonon pasi që po analizohen edhe formularët e dërguar me postë dhe përmes e-mailit.

Kujtojmë se deklarimit të pasurisë i janë nënshtruar të gjithë zyrtarët e lartë publik, me përjashtim të atyre që kanë deklaruar pasurinë me rastin e marrjes së detyrës pas datës 1 janar të këtij viti.

Mos deklarimi apo deklarimi i rrejshëm i pasurisë nga ana e zyrtarëve të lartë publik përbën vepër penale që sanksionohet me dispozitat e Kodit Penal.

Subscribe në YouTube: GAZETA INFOKUSI
Etiketa:
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme