Lajme

Pasaportat e Kosovës dhe Shqipërisë më të pafuqishmet në rajon

Autori: Gazeta inFokus 12:06 | 22 May 2023

Pasaportat më të mira për ta mbajtur në vitin 2023, janë zbuluar në një indeks të ri global. Emiratet e Bashkuara Arabe kanë zënë vendin e parë për këtë vit. Kurse në rajon, Kosova ka dalë e fundit, duke u renditur e 175-ta.

Megjithatë, nga 199 shtete, Kosova ka lënë prapa vetëm 24 shtete të tjera të botës. Ka 40 pikë të përgjithshme dhe të drejtë udhëtimi në 56 vende.

Derisa, Luksemburgu u konsiderua si vendi me pasaportën më të fuqishme për dy vjetët e fundit me radhë – viza e rangut më të lartë të këtij viti mund të jetë surprizë. Nga 199 kombet në listë, të përpiluar nga “Nomad Capitalist”, Emiratet e Bashkuara Arabe kanë zënë vendin e parë për vitin 2023.

-Advertisement-

Të gjitha vendet u renditën sipas pesë kritereve: mundësitë e udhëtimit pa viza, taksimi i qytetarëve, mundësitë e dyshtetësisë, perceptimi dhe liria personale.

Pasaporta e Emirateve është ngjitur në listë sepse ka privilegje udhëtimi pa viza në shumicën e vendeve – 181 në total – pa taksa mbi të ardhurat dhe një prani gjithnjë në rritje në skenën botërore.

Këta faktorë, ndër shumë të tjerë, e bëjnë atë një vend tërheqës për qytetarët aspirues globalë.

Sipas listës, Serbia është në vendin e 66-të, Mali i Zi në vendin e 76-të, Maqedonia e Veriut në vendin e 81-të, Shqipëria në vendin e 91-të dhe Kosova në vendin e 175-të.

Shqipëria ka marrë 75 pikë në total dhe ka mundësi udhëtimi në 115 shtete. /KP

Subscribe në YouTube: GAZETA INFOKUSI