Rozë

Pas ndarjes nga Ilary Blasi, Francesco Totti kapet mat në shtëpinë e… (FOTO)

Autori: Gazeta inFokus 13:55 | 03 August 2022

Futbollisti i famshëm, Francesco Totti, ka disa javë që është në qendër të vëmendjes për shkak të ndarjes nga bashkëshortja, Ilary Blasi. Menjëherë sapo ata zbuluan se i kishin dhënë fund martesës disavjeçare, në media qarkulluan thashetheme të ndryshme për të dy.

Mediat italiane shkruanin se ish-kapiteni i Romës ka nisur një romancë të re me Noemi Bocchi. Madje ai së fundmi është kapur sërish në shtëpinë e saj. E për t’u fshehur nga paparacët, Totti ka zgjedhur që të lëvizë me motor, duke menduar se me helmetën në kokë nuk do të njihej lehtë.

Por sigurisht që nuk ka arritur që t’u shpëtojë fotografëve të “Chi”, që po “ruanin” në shtëpinë e biondes Noemi. Futbollisti i famshëm u fotografua duke dalë nga porta e shtëpisë së Noemi Bocchi, e cila ngjason shumë me ish-gruan e tij, Ilary Blasi.

-Advertisement-

Në imazhet legjenda e Romës shihet duke udhëtuar me një skuter të madh veshur me bluzë dhe pantallona të shkurtra. Ai mban helmetën në kokë për të mbuluar fytyrën e tij. Pak minuta para tij nga e njëjta derë kishte dalë Noemi Bocchi me vajzën e saj.

Bocchi u përpoq të mashtronte paparacët duke u larguar e para, por fotografët kapën mat futbollistin duke dalë nga porta.