Sport

Pas dështimit të dy trajnerëve, ky është kandidati i radhës për postin e trajnerit te Kosova

Autori: Gazeta inFokus 11:58 | 21 December 2023

Pas dështimit të Roberto Morenos e Andre Breitenreiter, një tjetër emër ka dalë në skenë si kandidat i mundshëm për të marrë drejtimin e Përfaqësueses së Kosovës.

Sipas raportimeve nga shtypi turk, trajneri i njohur Senol Gunes po kërkohet nga Federata e Futbollit e Kosovës për të marrë drejtimin e përfaqësueses.

Gunesh ka marrë ofertë edhe nga Federata e Futbollit e Azerbajxhanit, por ai nuk e ka shqyrtuar akoma asnjërën prej tyre. Megjithatë, sipas raportimeve ai pritet të vendos për të drejtuar Azerbajxhanin.

-Advertisement-

“Kanë ardhur oferta nga njerëz të caktuar. Unë jam duke pritur për ftesën zyrtare, më është dashur të ulem dhe të flas në detaje. Futbolli i Azerbajxhanit është në rritje. Unë do të isha krenar që ta drejtoja këtë ekip”, kishte deklaruar Gunes para pak ditëve.

Tekniku turk nuk është përgjigjur akoma për ofertën e marrë nga FFK-ja, ani pse në Kosovë ai po shihet si trajneri i duhur.

Federata e Futbollit e Kosovës është në kërkim të një trajneri që nga shkarkimi i Primoz Glihas.

Sipas kryetarit të FFK-së, Agim Ademi, për postin e trajnerit te Kosova kanë aplikuar rreth 26 trajnerë.

Deri më tani më të përfolurit ishin Roberto Moreno dhe Andre Breitenreiter. Moreno nuk pranoi ofertën e FFK-së dhe zgjodhi ekipin e fundit në Superligën e Rusisë, ndërkaq tekniku gjerman deklaroi se lajmet për një ofertë nga FFK-ja janë thjeshtë thashetheme.