Lajme

Paralajmërohet një megaaksion, pritet arrestimi i 50 policëve

Autori: Gazeta inFokus 08:42 | 14 March 2022

Një hetim kundër korrupsionit dhe kontrabandës në pikat kufitare në Qafe Morinë dhe në Qafë të Prushit, i nisur rreth një vit më parë nga Inspektorati Policor i Kosovës, nën mbikëqyrjen e Prokurorisë Speciale të Kosovës, rezultoi me identifikimin e dhjetëra zyrtarëve policorë të dyshuar për korrupsion.

Burimet e Sinjalit brenda Prokurorisë Speciale njoftuan se si rezultat i këtij hetimi, rreth 50 zyrtarë policorë pritet të vihen në pranga të IPK-së nën dyshimin se kanë kryer veprat penale “keqpërdorim i pozitës apo autoritetit zyrtar” dhe “marrje ryshfeti”.

Në mesin e zyrtarëve policorë të identifikuar si të dyshuar për korrupsion janë edhe dy komandantët e pikave kufitare që ishin objekt hetimi, raporton Gazeta Sinjali.

-Advertisement-

Përveç zyrtarëve policorë, në pranga do të bien së paku edhe dy zyrtarë doganorë, të cilët për një periudhë kohore kanë shërbyer në pikat kufitare Qafë Morinë dhe Qafa e Prushit.

Sipas burimeve të Sinjalit arrestimet po realizohen në Drejtorinë Rajonale të Policisë në Gjakovë.

Zyrtarët policorë dhe ata doganorë dyshohet se për muaj të tërë u kanë mundësuar dhjetëra qytetareve shqiptarë dhe kosovarë kalimin kufitar në mënyrë të parregullt, për çka dhe kanë pranuar si ryshfet shuma të konsiderueshme të parave.

Hetimi i realizuar nga IPK-ja nën mbikëqyrjen e Prokurorisë Speciale të Kosovës është një nga goditjet më të rënda të korrupsionit brenda Policisë së Kosovës që nga themelimi i këtij institucioni.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme