Sport

Panucci publikon listën për miqësoren Shqipëri – Turqi

Autori: Gazeta inFokus 14:05 | 03 November 2017

Për këtë ndeshje miqësore, mister Panuçi ka grumbulluar 25 futbollistë, ku mund të veçohen lojtarët e rinj, Astrit Ajdareviç që luan me AEK, si edhe Ylber Ramadani që luan në Danimarkë me skuadrën e Veljes.

Trajneri i ekipit kombëtar të futbollit, Kristian Panuçi shpall listën e lojtarëve të cilët ka grumbulluar për ndeshjen miqësore të datës 13 nëntor në Antalia me skuadrën përfaqësuese të Turqisë.

Sikundër është bërë tashmë traditë, çdo të premte para grumbullimit, trajneri bën publike listën e lojtarëve.

-Advertisement-

Sipas një rakordimi me trajnerin e skuadrës kombëtare A dhe të U-21, Ylber Ramadani do ti bashkohet skuadrës në datën 11 nëntor, pasi do të jetë i angazhuar me skuadrën kombëtare U-21 në takimin zyrtar eleminator të datës 10 nëntor në Tiranë.

Ndërkaq, në listën e trajnerit Panuçi, nga kampionati shqiptar, përveç portierit Alban Hoxha është edhe futbollisti i Skënderbeut, Sabien Lilaj.

Skuadra përfaqësuese e futbollit do të grumbullohet ditën e hënë pasdite në Antalia, ku për 6 ditë do të përgatisë atje edhe ndeshjen miqësore me Turqinë.