Lajme

Pantina tregon nëse e voton Demarkacionin

Autori: Gazeta inFokus 22:11 | 16 March 2018

Deputetja nga radhët e Grupit Parlamentar të Deputetëve të Pavarur (GDP), Shqipe Pantina, ka reaguar pas lakimit të emrit të saj si njëra nga deputetët që mund ta votojë marrëveshjen e demarkacionit me Malin e Zi.

Pantina ka thënë se qëndrimi i saj për këtë çështje tashmë është i qartë. me këtë rast, ajo ka deklaruar se askush tjetër nuk mund të flas në emër të saj, e më së paku koalicioni qeveritar.

“Unë nuk kam dashur të deklarohem për këtë punë, sepse qëndrimi im tashme ka qenë i qartë. Në rast se unë ndryshoj qëndrim, atë e shpreh brenda grupit tonë të deputetëve, ku pastaj bashkë do ta marrim vendimin përfundimar. Por, në emrin tim nuk mund të flas askush e më së paku zyrtarër e qeverisë”, ka thënë Pantina në reagimin e saj.

-Advertisement-

Subscribe në YouTube: GAZETA INFOKUSI