Lifestyle

Pamjet e rralla/ Japoni, meteori jep spektakël në qiell

Autori: Gazeta inFokus 13:55 | 30 November 2020

Një meteor i shndritshëm është parë të përshkojë qiellin në një zonë të gjerë të Japonisë duke tërhequr vëmendjen e televizioneve dhe mediave sociale.

Meteori shndrinte ndërsa binte me shpejtësi përmes atmosferës së Tokës. Shumë njerëz në Japoninë perëndimore e raportuan në median sociale imazhin e rrallë.

Televizioni publik NHK në Japoni tha se kamerat e tij në prefekturat qendrore të Aichit, Mies dhe zona të tjera kishin mundur të fiksonin lëmshin e zjarrit në qiellin jugor. Një kamera në portin Nagoya po ashtu tregonte meteorin që shndrinte si një hënë e plotë, ndërsa i afrohej Tokës.

-Advertisement-

Disa ekspertë thonë se fragmente të vogla të meteorit mund të kenë arritur në Tokë, por pa mundur të lokalizojnë vendet e rënies së tyre.