Lajme

Pamjet e fundit nga pika kufitare në Serbi, mërgimtarët e shmangin komplet kufirin e Merdares

Autori: Gazeta inFokus 13:35 | 18 July 2024

Pika kufitare në Merdare është një nga pikat më të frekuentuara ku mërgimtarë nga vende të ndryshme vijnë për pushime në Kosovë.

Por pas incidentit që ndodhi, shihet se ka më pak vetura që janë duke kaluar përmes kufirit.

Ekipi i Gazetës Infokus, po qëndron atje dhe kanë raportuar se ka më pak lëvizje, dalluar me ditët e kaluara.

-Advertisement-

Gjithashtu Ministria e Punëve të Jashtme dhe Diasporës ka apeluar tek qytetarët që të kenë kujdes gjatë kalimit nëpër Serbi ose t’i shmangin lëvizjet përmes territorit serb.

“Ministria e Punëve të Jashtme dhe Diasporës përmes Zyrës Ndërlidhëse në Beograd po ndjek nga afër zhvillimet në lidhje me pretendimet e Ministrit të Brendshëm të Serbisë, Ivica Daçiq për një incident në magjistralen afër Loznicës në Serbi, ku pretendon që ka mbetur i vrarë një polic serb dhe i përfshirë në këtë rast sipas tij është një shtetas i Republikës së Kosovës.

Ministria e Punëve të Jashtme dhe Diasporës do të mbajë të informuar opinionin publik për këtë rast dhe apelon te mërgimtarët dhe qytetarët e Kosovës që të rrisin kujdesin gjatë kalimit nëpër Serbi dhe sipas vlerësimit të situatës të shmangin lëvizjen përmes territorit serb”, thuhet në njoftim.

https://gazetainfokus.com/artan-hajrizi-fatoni-u-ardhe-ka-qendru-tek-une-nja-dy-ore-bashke-me-disa-shoke-mi-ka-vjedhe-dokumentet/

https://gazetainfokus.com/lajmerohet-artan-hajrizi-jam-ne-gjermani-mi-vodhen-dokumentet/