Lajme

Pamje/ Vetëaksident i rëndë në autostradën Ibrahim Rugova, vdes një person

Autori: Gazeta inFokus 09:06 | 02 September 2023

Një vetëaksident i rëndë ka ndodhur të shtunën në autostradën “Ibrahim Rugova”, ku si pasojë një person ka vdekur.

Këtë për Infokus e ka konfirmuar zëdhënësi i Policisë së Kosovës, Baki Kelani, ku tha se edhe një person tjetër ka pësuar lëndime trupore.

“Me datën 02.09.2023 rreth orës 06:10, në autostradën Ibrahim Rugova në km 24 drejtimi i Vërmicës, ka ndodhur një vet aksident me lëndime trupore, ku një automjet Suzuki me targa lokale me vozitës mashkull kosovar, dyshohet se ka humb drejtimin dhe është rrokullisur në rrugë, me ç ‘rast lëndime trupore kane pësuar dy persona, njeri prej të cilëve më vonë ka ndërruar jetë. Në vendin e ngjarjes kanë dalë patrulla policore, njësia e hetimeve, kompania për mirëmbajtjen e rrugës. Në lidhje me rastin është njoftuar prokurori kujdestar, përderisa janë marrë të gjitha veprimet e nevojshme policore”, ka thënë Kelani.

-Advertisement-

Infokus ka siguruar, pamje nga vendi i ngjarjes, ku shihen pamjet e rëndë të veturës së rrotulluar dhe të pasagjerëve./Gazeta Infokus/

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme