Lajme

Pamje të arrestimit të Elvis Kelmendit dhe anëtarëve tjerë të grupit të tij në Bosnjë

Autori: Gazeta inFokus 11:14 | 13 July 2022

Një operacion i koduar si “Rez” në Bosnjë, e çoi në pranga Elvis Kelmendin, djalin e biznesmenit Naser Kelmendi, i akuzuar për trafikim të drogës, krim të organizuar e vepra tjera penale.

Me të u arrestuan edhe disa persona tjerë, të cilët janë nën hetim për krim të organizuar, lidhur me kontrabandën ndërkombëtare dhe trafikun e sasive të mëdha të drogës, si dhe për vepra të tjera penale.

Gazeta e njohur boshnjave, Dnevni Avaz ka publikuar pamjet e arrestimit të Elvis Kelmendit, përcjell Gazeta Express.

-Advertisement-

Sipas provave të mbledhura, të arrestuarit vepronin si grup i organizuar kriminal, me role dhe detyra të ndara, i cili kontrabandonte dhe shiste sasi të mëdha të drogave në Sarajevë dhe qytete të tjera për një periudhë të gjatë kohore.

Po ashtu, në kuadër të hetimeve, po hetohen edhe lëvizjet e parave të fituara me veprimtari të paligjshme, si dhe format e veprimtarisë korruptive të të dyshuarve.

Pas marrjes në pyetje të të dyshuarve, ushtruesi i detyrës së prokurorit do të vendos për hapat e mëtutjeshëm dhe vazhdimin e hetimeve në këtë rast.

Subscribe në YouTube: GAZETA INFOKUSI
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme