Lajme

Pamje apokaliptike pas tërmetit në Marok, thuajse gjysma e një fshati zhduket nën rrënoja

Autori: Gazeta inFokus 06:56 | 11 September 2023

Në fshatin Tafeghaghte të Marokut, konfirmohet se kanë vdekur 90 persona, rreth gjysma e fshatit dhe shumë të tjerë janë të zhdukur pas tërmetit vdekjeprurës që goditi vendin.

Në një video të transmetuar nga BBC shfaqen pamjet e fshatit që është kthyer në një shkretëtirë, ndërsa ekipet e shpëtimit përpiqen të dëgjojnë zëra nga të mbijetuar të mundshëm nën rrënoja.

Megjithatë shpresa për të gjetur më shumë të mbijetuar po zbehet, duke marrë në konsideratë shembjen e ndërtesave që nuk janë projektuar për t’i bërë ballë një tërmeti të tillë.

-Advertisement-

Pamjet vijnë nga vendi i cili u godit nga një tërmet shkatërrues të premten, që thuhet se ishte më i fuqishmi në atë rajon në 100 vitet e fundit.

Teksa numri i të vdekurve është duke u rritur, raportet më të fundit flasin për mbi 2400 të vdekur dhe me mijëra tjerë të lënduar.

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme