Pala e dëmtuar vlerëson se vendimi për Gogajn e ka zbehur besimin në drejtësi, mbrojtja thotë se ishte vrạsje nga pakujdesia
Autori: Gazeta inFokus 13:50 | 03 October 2024
Gjykata e Apelit shqyrtoi të enjten ankesat e palëve në rastin ku Shaban Gogaj ishte dënuar nga shkalla e parë me 7 vite e gjysmë burgim për vrasjen e Agonis Tetajt nga pakujdesia.
Sipas gjyqtarit referues, Hashim Çollaku, ankesë ndaj aktgjykimit të shkallës së parë ka ushtruar Prokuroria Themelore në Pejë, përfaqësuesi i palës së dëmtuar- avokati Berat Tmava, si dhe mbrojtësi i të akuzuarit Gogaj, avokati Besnik Berisha, raporton “Betimi për Drejtësi“.
Në këtë seancë, nga Prokuroria nuk ishte i pranishëm askush, por ankesa e tyre sipas gjykatësit Çollaku ka të bëjë me pretendimet për shkelje esenciale të dispozitave të procedurës penale, shkelje të Ligjit Penal dhe vërtetim të gabuar dhe jo të plotë të gjendjes faktike, si dhe vendimit mbi dënimin.
Sipas kësaj ankese, gjykatësi Çollaku tha se pretendohet që në këtë çështje penale gjykata e shkallës së parë nuk i ka vlerësuar në mënyrë të gjithanshme të gjitha deklaratat, të gjitha provat, dhe nuk ka nxjerrë aktgjykim të drejtë.
Po ashtu, në ankesë pretendohet se të gjitha provat çojnë në drejtim të asaj që ka të bëjë me vrasje të rëndë, duke kërkuar dënim më të ashpër për të akuzuarin Gogaj.
Se ky rast ka të bëjë me vrasje të rëndë, pretendon edhe përfaqësuesi i palës së dëmtuar, avokati Berat Tmava.
Sipas tij, vendimi i shkallës së parë e ka zbehur besimin në drejtësi tek familja Tetaj, duke shtuar se në këtë rast ka pasur ndërhyrje të shumta.
“…familja e të dëmtuarve- Tetaj, e besoj edhe shumica e popullatës, e ka zbehur besimin në drejtësi edhe pikërisht duke pasur parasysh këtë çështje juridiko-penale, pasi që ka pasur ndërhyrje të shumta nga persona që nuk ia duan të mirën drejtësisë”, tha avokati Tmava.
Të shqetësuar, u shprehën edhe familjarët e tani të ndjerit Tetaj. Babai i tij tha se kishte pritur që kjo çështje të përfundonte brenda një viti.
“Prej fillimit kur ka ndodh ky rast, kam kërku me u vendos drejtësi, mas largu mrena 1 viti. Qe 6 vjet u banë, unë jam tu u maltretu nëpër seanca”, tha ai.
Edhe nëna e të ndjerit kërkoi drejtësi për Agonisin, duke thënë “Me u marrë një vendim këtu, mos mu en ma nëpër gjykata …”.
Në anën tjetër, mbrojtësi i të akuzuarit Tetaj, avokati Besnik Berisha tha se ky rast është gjykuar dy herë dhe se në dy këto raste, ka qenë epilogu i njëjtë, që ka të bëjë me vrasje nga pakujdesia.
Ai tha se në atë moment, si rezultat i një pajkudesie ka ndryshuar përjetësisht jeta e akuzuarit Gogaj dhe për familjes Tetaj, përderisa sipas tij, i akuzuari Gogaj kishte qenë në pritje të një momenti lumturie.
“…si rezultat i një pakujdesie të skajshme në një moment lumturie që priste Shabani atë ditë”, tha avokati Berisha, duke shtuar që ky moment i lumturisë ishtë dashuria e të akuzuarit Gogaj, që të kurorëzohej me fejesë.
Më 14 tetor 2022, Gjykata Themelore në Pejë kishte shpallur aktgjykim dënues ndaj të akuzuarit Shaban Gogaj, duke e dënuar me 7 vite e 6 muaj burgim për vrasje nga pakujdesia të Agonis Tetajt. Kurse, Isuf Cacaj me 2 mijë euro gjobë për armëmbajtje pa leje.
Gjykata e Apelit më 23 mars 2023 kishte shqyrtuar ankesat e mbrojtësit të Gogajt, avokatit Besnik Berisha, palës së dëmtuar, avokatit Berat Tmava dhe ankesën e Prokurorisë Themelore në Gjilan. Kurse, pas shqyrtimit të ankesave, Apeli më 23 mars 2023 e ka kthyer lëndën në rigjykim.
Ndërsa, më 15 mars 2024, Themelorja e dënoi sërish me 7 vite e 6 muaj burgim për vrasje nga pakujdesia, ndërsa Isuf Cacaj u dënua me 2 mijë euro gjobë për armëmbajtje pa leje.
Sipas aktakuzës së ngritur nga Prokuroria Themelore në Pejë, më 12 qershor 2019, Shaban Gogaj akuzohet se më 23 shtator 2018, rreth orës 11:04, në Deçan, në rrugën “Luan Haradinaj”, përkatësisht në kompaninë “Gogaj AG”, me dashje e privon nga jeta Agonis Tetajn dhe me këtë ka vënë në rrezik edhe jetën e të dëmtuarve A.H dhe F.Z. Në këtë rast, për armëmbajtje pa leje akuzohet edhe Isuf Cacaj, ku sipas aktakuzës, në dyqanin “Gogaj AG”, ka mbajt në pronësi armën, e gjetur nga policia në sirtarët nën banakun e arkës.
Të tjera
-
Vitia tregon se kur do të nis procesi i fertilizimit në institucionet spitalore
Ministri i Shëndetësisë, Arben Vitia, tha se shërbimi i fertilizimit in vitro...
-
Evakuim në Hamburg për shkak të virusit të dyshuar vdẹkjẹprụrës
Autoritetet shëndetësore në Hamburg kanë njoftuar se dy persona të kthyer nga...
-
Osmani në Paris me ftesë të presidentit Macron
Presidentja e Kosovës, Vjosa Osmani në kryeqytetin francez do ta përfaqësojë ...
-
Abdixhiku dhe Beyer vizitojnë shkollat me mësim gjithëditor në Prishtinë
Kryetari i LDK-së, Lumir Abdixhiku, ka thënë se së bashku me deputetin Peter ...
-
MOMENTE TMERRI/ Merr flakë motori i avionit të Ryan Air në Brindisi, evakuohen 200 pasagjerë
Pasagjerët e një avioni përjetuan momente tmerri në aeroportin e Brindisit, k...
-
Haradinaj i zhgënjyer me punimet në autostradën Prishtinë-Gjilan
Kryetari i AAK-së, Ramush Haradinaj, ka thënë se është zhgënjyes dhe dëshpëru...
-
BE-ja çon Hungarinë në gjykatë për shkak të ligjit kundër ndikimit të huaj
Komisioni Evropian ka vendosur që ta dërgojë Hungarinë në Gjykatën e Drejtësi...
-
Ndalohet katër persona për kontrabandim të mallrave ushqimore në Zubin Potok
Katër persona serbë janë ndaluar dje nga policia në fshatin Junake të Zubin t...
-
Mësimdhënësve të Vitisë nuk iu dolën pagat e shtatorit, Nagavci: Ndihem keq për shkak të menaxhimit jo të mirë të komunës
Mësimdhënësve të komunës së Vitisë ende nuk iu ka dalur paga ashtu siç edhe p...
-
E përsërit Liburn Aliu ”Me neve s’ka tenderë për Radojçiqin”
Liburn Aliu ka hedhur poshtë akuzat se pushteti i Vetëvendosjes u jep tender ...
-
Vitia: Shërbimi i fertilizimit në institucionet, fillon në fund të vitit
Ministri i Shëndetësisë, Arben Vitia ka njoftuar se shërbimi i fertilizimit i...
-
Kaos para Kuvendit të Shqipërisë
Opozita në Shqipëri e nisi ditën me një aksion, pas përjashtimit nga Kuvendi ...