Lajme

Pacolli: Zvicra do të vazhdojë ta mbështesë Kosovën

Autori: Gazeta inFokus 17:59 | 22 June 2018

Zëvendëskryeministri dhe ministri i Punëve të Jashtme, Behgjet Pacolli ka takuar ministrin e Punëve të Jashtme të Confederatës Zvicrane, Ignazio Cassis, ku kanë diskutuar për marrëdhëniet bilaterale, në interes tëtë dyja vendeve dhe në funksion të kultivimit të mëtejmë të bashkëpunimit me shtetin zvicerran.

“Sot, në kuadër të turneut tim, për të fuqizuar politikën e jashtme të Kosovës, kisha nderin të takohem me Ministrin e Punëve të Jashtme të Confederatës Zvicrane, Dr. Ignazio Cassis. Me Ministrin z. Cassis zhvilluam një bisedë të gjatë ku trajtuam tema aktuale që lidhen me marrëdhëniet tona bilaterale, në interes të vendeve tona dhe ne funksion të kultivimit të mëtejmë të bashkëpunimit me shtetin zvicerran. Zvicra, si gjithmonë do të vazhdojë të mbështetë Kosovën në të gjitha drejtimet, çofshin ato të katakterit ekonomik apo politik”, ka shkruar ai në facebook.