Lajme

Pacolli uron SHBA në përvjetorin e pavarësisë

Autori: Gazeta inFokus 16:03 | 04 July 2017

Edhe kryetari i Aleancës Kosova e Re, Behgjet Pacolli ka uruar ShBA-të për përvjetorin e pavarësisë.

Pacolli ka thënë se ne do t’i mbesim përgjithmonë falënderues popullit Amerikan për mbështetjen e aspiratave të qytetarëve të Kosovës për liri dhe pavarësi,transmeton infokusi.com

Postimin e plotë të Pacollit bërë në rrjetin social “facebook “ mund ta gjeni më poshtë:

-Advertisement-

“Me rastin e përvjetorit të 241-të të shpalljes së pavarësisë së Shteteve të Bashkuara të Amerikës, më lejoni që në emër të Aleancës Kosova e Re, nê emêr tê familjës time dhe në emrin tim personal, t’i shpreh urimet më të përzemërta për popullin Amerikan në festimet e 4 korrikut.

SHBA-të i kanë sjellë botës paqe, liri dhe demokraci me besimin se liria duhet të gëzohet nga të gjithë. Me këtë rast edhe njeherë Popullit të ShBA-ve i shprehu falënderimet më të thella për mbështetjen e vazhdueshme, si dhe për qëndrimin pranë popullit të Kosovës edhe në kohërat më të vështira.

Ne do t’i mbesim përgjithmonë falënderues popullit Amerikan për mbështetjen e aspiratave të qytetarëve të Kosovës për liri dhe pavarësi, duke ritheksuar kështu aleancën dhe partneritetin tonë të përhershëm me Shtetet e Bashkuara”/INFOKUSI

Subscribe në YouTube: GAZETA INFOKUSI