Pacolli premton mbështetje për sportin gjatë takimit me sekretarin e Komitetit Olimpik të Evropës
Autori: Gazeta inFokus 14:04 | 28 October 2017
Zëvendës kryeministri i Kosovës, Behgjet Pacolli e ka pritur sekretarin gjeneral të Komitetit Olimpik të Evropës, Raffaele Pagnozzi dhe drejtuesit KOK-ut.
Sekretari gjeneral i Komitetit Olimpik të Evropës, Raffaele Pagnozzi dhe drejtuesit e Komitetit Olimpik të Kosovës, presidenti, Besim Hasani dhe sekretari i përgjithshëm, Shasivar Haxhijaj, janë pritur nga zëvendëskryeministri i Kosovës, Behgjet Pacolli, njëherit ministër i Punëve të Jashtme.
Pacolli falënderoi Pagnozzin për vizitën që po i bënë Kosovës, duke i premtuar përkrahje të fuqishme të qeverisë për sportin kosovar. Takimi u mbajt në rezidencën e Pacolli në Hajvali.
“Një shtet pa sport është si një trup pa gjymtyrë, prandaj ne duhet ta mbështesim sportin dhe aktivitetet sportive në të gjitha mënyrat. Njerëzit që përfaqësojnë sportin janë ambasadorët më të mirë tonë. Prandaj, vizita e Pagnozzi është shumë e rëndësishme dhe do të doja ta shoh edhe ai se ne e duam sportin dhe merremi seriozisht me të”, u shpreh ndër të tjera Pacolli, i cili KOK-ut i premtoi se do të punojë t’ua sigurojë një ndërtesë të re.
Pagnozzi u ndje falënderues për pritjen e bërë, duke thënë se medalja e artë olimpike e Majlinda Kelmendit, ia ka hapur dyert e zhvillimit sportit kosovar.
“Më duhet të them se kam përshtypje jashtëzakonisht të mira nga kjo vizitë, jo vetëm për punën që Komiteti Olimpik i Kosovës është duke e bërë, por mbi të gjitha vizita e këtij mëngjesi demonstron që autoritetet politike kanë qasje shumë të afërt me sportin. Besoj që pas medaljes së artë ne Rio, sigurisht se Kosova ka shanse të mëdha për t’u zhvilluar, sepse të gjithë jemi të fokusuar ta ndihmojmë Kosovën” tha ndër të tjera Pagnozzi.
Sipas tij, Kosova ka zgjedhur rrugën më të mirë në sensin e organizimit të mirë të brendshëm, por janë duke bërë edhe një punë të thellë për të krijuar një strukturë të udhëheqësve sportivë, e kjo është shumë e rëndësishme për botën e sportit.
Kurse, presidenti i KOK-ut, Besim Hasani e quajti vizitën e Pagnozzit jashtëzakonisht të rëndësishme, derisa falënderoi Pacollin në emër të Lëvizjes Olimpike për pritjen dhe përkrahjen që i ka bërë sportit në vazhdimësi.
“Komiteti Evropian dhe ai Ndërkombëtar me të drejtë na konsiderojnë se jemi një foshnje e porsalindur tre vjeçare dhe duan që ne të rritemi shëndetshëm dhe fuqishëm. Sot jemi këtu tek zëvendëskryeministri Pacolli dhe kjo dëshmon se bashkëpunimi midis pjesës joqeveritare dhe qeveritare është jashtëzakonisht i mirë. Personalisht Pacolli na ka vizituar edhe në KOK me kapacitete tjera, dhe vazhdon të na mbështes pasi ne kemi edhe një partneritet me Mabetex dhe kjo ka rëndësi të madhe për ne”, tha ndër të tjera Hasani.
Të tjera
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...
-
Kurti sot takohet me studentët romë, ashkali dhe egjiptianë
Kryeministri i Kosovës, Albin Kurti, sot do të takohet me disa nga studentët ...
-
“Tërhiqet” ushtria serbe nga Presheva
Artileri e madhe ushtarake serbe, është parë duke u larguar mbrëmë nga komuna...
-
Ministri i Mbrojtjes i Italisë vjen në Kosovë
Ministri italian i Mbrojtjes, Guido Crosetto, do të qëndrojë në Kosovë gjatë ...
-
Dy tërmete të njëpasnjëshme godasin Greqinë
Dy tërmete kanë goditur mëngjesin e ditës së premte Greqinë. Sipas mediave...
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...