Lajme

Pacolli i shqetësuar me atë që po i ndodh në “facebook”: S’duhet ta lejojmë

Autori: Gazeta inFokus 12:21 | 24 July 2022

Kreu i Aleanca Kosova e Re, Behgjet Pacolli, ka reaguar i shqetësuar me komentet që po i bëjnë ndjekësit në profil për ngjarjet që ndërlidhen kryesisht me Afrikësn. Pacolli thotë se shumë komentuar shprehin një dozë racizmi derisa ka thënë se nuk duhet lejuar një qasje e tillë.

Pacolli ka sjellë një shembull që një popull nga Nairobi i Kenias ka vendosur që ta thërras vendbanimin e tyre me emrin e Kosovës në respekt për miqtë kosovarë.

Ish-presidenti Pacolli ka thënë se kosovarët s’duhet të tregohen racistë e margjinalizues kur vetë si popull janë margjinalizuar prej shekujsh.

-Advertisement-

“ Vë re se shumë komentues në postimet e mia (ato që kanë të bëjnë me Afrikën) shprehin njëfarë racizmi, veçanërisht ndaj shtresës së margjinalizuar.

Vetëm një fakt; Një popull i tërë nga një rajon i Nairobit në Kenia e quajnë vendbanimin e tyre “Kosovo” dhe këtë e kanë bërë për respekt për miqtë e tyre kosovarë dhe Kosovën. Unë personalisht besoj se nuk duhet ta lejojmë një gjë të tillë kur ne vetë kemi qenë të margjinalizuar prej shekujsh”, ka shkruar Pacolli.

Subscribe në YouTube: GAZETA INFOKUSI