Lajme

Osmani viziton qytetarët e veriut, policinë falënderon për punën dhe përkushtimin

Autori: Gazeta inFokus 14:19 | 31 December 2024

Presidentja e Republikës së Kosovës, Vjosa Osmani, ka qëndruar sot në Mitrovicë të veriut, ku është takuar me qytetarë dhe pjesëtarë të Policisë së Kosovës

Presidentja vizitoi drejtorinë rajonale të policisë atje, ku zyrtarëve policorë iu shprehu mirënjohje për punën dhe përkushtimin e palodhur të tyre.

“Gjatë këtij viti sfidues, ata ishin shtylla e sigurisë dhe mbrojtësit e palëkundur të sovranitetit dhe integritetit të Republikës sonë. Falë përkushtimit të tyre, shteti ynë qëndron i pathyeshëm përballë çdo sfide”, u shpreh Osmani.

-Advertisement-

Presidentja vizitoi edhe bizneset e hapura së fundmi në very, duke iu uruar të gjithëve vit të ri me shëndet dhe begati.

Ky është njoftimi i plotë i presidentes:

Në prag të ndërrimit të moteve, vizituam Drejtorinë Rajonale të Policisë në Mitrovicë Veriore, ku grave dhe burrave në uniformë pata rastin t’ua shpreh mirënjohjen e thellë për punën dhe përkushtimin e palodhur.

Gjatë këtij viti sfidues, ata ishin shtylla e sigurisë dhe mbrojtësit e palëkundur të sovranitetit dhe integritetit të Republikës sonë. Falë përkushtimit të tyre, shteti ynë qëndron i pathyeshëm përballë çdo sfide.

Gjithashtu, në kuadër të kësaj vizite, ndamë momente gëzimi me më të vegjlit tanë, për festën e Vitit të Ri, dhe së bashku me ta vizituam bizneset e hapura së voni në veri të cilët po kontribuojnë jo vetëm në ekonominë e qytetit, por edhe në integrimin e të gjithë qytetarëve, pa dallim.

Të gjithë fëmijëve dhe familjeve të tyre, të të gjitha etnive, nga zemra ju uroj një Vit të Ri, plot shëndet, begati dhe suksese! Le të jetë 2025 një vit i paqes dhe i mbarësisë për të gjithë!

https://www.facebook.com/share/p/14nTCRPkhp/

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme