Osmani: Veriu ka zgjidhje, po kontaktojmë me ndërkombëtarët
![](https://gazetainfokus.com/wp-content/uploads/2023/06/Vjosa-Osmani-10-1-852x460.jpg)
Autori: Gazeta inFokus
20:03 | 27 June 2023
Presidentja Vjosa Osmani deklaroi se sa i përket situatës në veri të Kosovës, është me rëndësi që shteti ta gjejë zgjidhjen bashkë me aleatët e saj.
Duke rikujtuar se kjo krizë është shkaktuar nga Serbia, Osmani tha se Kosova është në të drejtën e saj, në kontekst të sundimit të ligjit e sovranitetit.
Duke folur për zgjedhjet e reja në komunat në veri, ajo tha se ligji parasheh disa situata për zgjedhjet e parakohshme, e që një prej tyre, sipas saj, është më e mira sepse siguron edhe pjesëmarrjen e serbëve që jetojnë në ato komuna.
“Kjo ka të bëjë me nënshkrimin e një peticioni nga 20 % e votuesve nga secila prej këtyre komunave. Mendoj se nëpërmjet kësaj, krijohet detyrim ligjor për institucionet, por edhe ne po tregojmë vullnet politik për një gjë të tillë”, tha Osmani për RTK-në, sa ishte në Podgoricë në Samitin e Bashkëpunimit të Evropës Juglindore.
Sipas saj, kjo hapë rrugën për pjesëmarrjen demokratike të qytetarëve serbë në zgjedhje dhe për zgjedhjen e kryetarëve të rinj.
“Këtë e shoh si çështjen më urgjente dhe njëkohësisht të vazhdojnë përpjekjet e Policisë së Kosovës për sundim të ligjit në veri e në veçanti për ndëshkimin e personave që morën pjesë në dhunë ndaj KFOR-it, policëve e gazetarëve”.
Duke folur për masat e mundshme ndëshkuese të BE-së ndaj Kosovës, në rast të mos shtensionimit të situatës në veri, presidentja Osmani tha se është duke u punuar në evitimin e masave të tilla.
“Kontaktet tona janë të vazhdueshme e të përditshme me BE e SHBA dhe përderisa të gjithë, ne, BE e SHBA e kemi një synim strategjik të përbashkët, që është Kosova sovrane, e pavarur në kufijtë aktualë dhe e integruar në strukturat atlantike, asgjë nuk duhet të na pengojë që këto dallime të momentit t’i kalojmë sa më parë”.
Teksa foli për samitin në të cilin po merr pjesë e që u mbajt në Podgoricë të Malit të Zi, presidentja Osmani u shpreh se një iniciativë e tillë ekziston që nga viti 1996 dhe përfshinë 13 shtete të Evropës Juglindore.
“Qëllimi është të flasim për hapat që vendet tona të përafrohen me BE-në. Procesi i integrimit evropian është prej temave kryesore, pastaj tema e dytë ishte siguria, pasi ka kohë që e gjithë arkitektura e sigurisë së Evropës është nën sulm për shkak të agresionit rus ndaj Ukrainës”, tha ajo.
“Por edhe rajoni ynë preket nga ndikimi malinj rus përmes Serbisë dhe këto ishin disa nga temat që i kam shtruar unë dhe shumë folës”, tha Osmani, duke shtuar se edhe pjesë e diskutimeve ishte edhe zhvillimi ekonomik dhe bashkëpunimi rajonal.
“Në emër të Republikës së Kosovës, përveç aspekteve pozitive të bashkëpunimit rajonal që na çon drejt integrimit evropian, nëpërmjet iniciativave si kjo, por edhe Procesi i Berlinit, natyrisht se kam folur edhe për sfidat e fundit të sigurisë që janë duke u shkaktuar nga Serbia e cila ka shkaktuar akt agresioni ndaj Kosovës,shkelje të sovranitetit dhe integritetit territorial dhe po ashtu edhe shkelje të Marrëveshjes Tekniko-Ushtarake që e ka me NATO-n”.
Presidentja deklaroi se asnjë nga këto veprime nuk kontribuojnë në fqinjësi të mirë.
“Përkundrazi, rrezikojnë përpjekjet edhe të BE-së edhe aleatëve tanë në SHBA për paqe e stabilitet dhe anëtarësim në strukturat euro-atlantike”./rtk/
![](https://gazetainfokus.com/wp-content/uploads/2023/09/TEB_Visual_Visa-Infinite_WEB-1.jpg)
Të tjera
-
Bastiset shtëpia e një burri në Gjilan, ja çka gjeti policia
Shtëpia e një burri në fshatin Dobërqan të Gjilanit është bastisur nga njësia...
-
Dyshohet se dhụnọi një femër, arrestohet një person në Mitrovicë
Policia e Kosovës ka njoftuar se është arrestuar një person në Mitrovicën e J...
-
Prizrenasi gjen një kuti metali ushtarake, brenda saj kishte municion
Një burrë në Prizren ka njoftuar policinë se ka hasur në një kuti metali ...
-
Llapjani kërcënọhet përmes telefonit nga një shtetas i Maqedonisë Veriore
Policia e Kosovës ka njoftuar për një rast kanosje që ka ndodhur në qytetin e...
-
Kurti dhe zëvendës-shefja e ambasadës së SHBA-së nderojnë viktimạt e sụlmit të 11 Shtatorit, afër i qëndrojnë edhe ministrat
Kryeministri i Kosovës, Albin Kurti së bashku me zëvendësshefen e ambasad...
-
Miftaraj pas thirrjes së konferencës nga kryeprokurori: Me gjasë ngritet aktakuza për Banjskën
Kryeprokurori i Prokurorisë Speciale, Blerim Isufaj do të mbajë sot konferenc...
-
Begaj kujton viktimạt e sụlmit të 11 Shtatorit
Presidenti i Shqipërisë, Bajram Begaj, ka përkujtuar sulmet e përgjakshme të ...
-
Osmani: 11 Shtatori – ditë dhimbjeje, kujtese dhe solidariteti të palëkundur
Presidentja e Kosovës, Vjosa Osmani, në 23-vjetorin e sulmeve tragjike të 11 ...
-
Haradinaj: Miqësia e përhershme me Amerikën është e pathyeshme dhe ajo nuk mund të prishet nga askush
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
ANALIZA E BBC/ Ja kush e fitoi debatin presidencial Trump- Harris
Në një debat 90-minutësh, Harris shpesh tronditi ish-presidentin – duke e sht...
-
23 vjet nga sulmet terroriste në ShBA
Shtetet e Bashkuara të Amerikës, por edhe mbarë bota përkujtojnë sot 23-vjeto...
-
Mbahet mbledhja e Qeverisë, në rend dite 14 pika
Qeveria e Kosovës do ta mbajë sot mbledhjen e radhës, e cila fillon në orën 1...