Lajme

Osmani takon Hovenierin, flasin për miratimin e Programit të Shitjeve Ushtarake nga DASh-i

Autori: Gazeta inFokus 19:19 | 18 January 2024

Presidentja e vendit, Vjosa Osmani, ka takuar ambasadorin amerikan në Kosovë, Jeffrey Hovenier.

Bëhet e ditur se gjatë takimit, Osmani e Hovenier folën për zhvillimet e fundit në vend, ku në fokus ishte miratimi i Programit të Shitjeve Ushtarake nga Departamenti amerikan i Shtetit.

“Me këtë rast, Presidentja Osmani e falënderoi ambasadorin Hovenier për angazhimin e tij të vazhdueshëm dhe vlerësoi lartë punën e institucioneve në të dyja anët”.

-Advertisement-

“Presidentja Osmani dhe Ambasadori Hovenier diskutuan edhe për një sërë çështjesh të tjera të interesit të përbashkët dhe rikonfirmuan nevojën dhe gatishmërinë e bashkëpunimit dhe bashkrëndimit të vazhdueshëm me qëllim të përmbushjes së objektivave të përbashkëta”, thuhet në njoftimin e presidencës.

Javën e kaluar është bërë e ditur se Kosovës i është konfirmuar blerja e raketave antitank “Javelin” në vlerë prej 75 milionë dollarë.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme