Lajme

Osmani: Lirinë demokracinë dhe të drejtat e njeriut nuk i kemi dhuratë, dikur i jetuam të kundërtat e tyre

Autori: Gazeta inFokus 17:11 | 11 September 2024

Presidentja e Kosovës Vjosa Osmani, ishte sot paneliste në samitin “Vital Voices” në Varshavë të Polonisë.

Tema e këtij diskutimi ishte “Si ta mbrojmë demokracinë nga autokracitë!”.

Osmani kujtoi vitet nën regjimin serb ku populli hoqi shumë nga Millosheviqi.

-Advertisement-

Ajo theksoi se “disa liderë psikopatë vranë shumë njerëz vetëm pse mundën, vetëm pse patën më shumë armë”.

“Ne sot demokracinë, lirinë dhe të drejtat e njeriut nuk e shohim si diçka që na është dhënë (dhuratë), por se ne jetuam në të kundërten e demokracisë. Kjo gjeneratë e fëmijëve tanë është e para që jeton në paqe, sepse në të kaluarën neve na janë dhunuar të drejtat për t’u shkolluar. Sot ne kur i dërgojmë fëmijët në shkolla, ne thjesht vetëm nuk i dërgojmë, por kjo është esenca e demokracisë”, tha ajo.

Subscribe në YouTube: GAZETA INFOKUSI