Lajme

Osmani e Kurti ‘shkrihen’ pas njëri-tjetrit, thirren presidente dhe kryeministër

Autori: Gazeta inFokus 14:18 | 14 January 2021

Përmes një konference të përbashkët kreu i Lëvizjes Vetëvendosje, Albin Kurti dhe Vjosa Osmani kanë njoftuar se do të garojnë në një listë të përbashkët në zgjedhjet e 14 shkurtit.

Osmani është shprehur se në këto zgjedhje ka qëllime të përbashkëta me Albin Kurtin, shkruan Gazeta inFokus.

Sipas saj ata së bashku do të nxjerrin vendin nga kriza.

“Në këto zgjedhje së bashku me Albin Kurtin do të ndërtojmë të ardhmen e vendit. Albin Kurti është kryeministër i Kosovës i cili nuk i mbyllë sytë nga padrejtësitë”, ka thënë Osmani.

Në këtë konferencë, u.d e presidentit, vazhdimisht i referohej Kurtit si kryeministri i Kosovës.

‘Nderin’ e njëjtë ia ktheu edhe Kurti, duke e thirrur si presidente të vendit./Gazeta inFokus/

Të tjera