Lajme

Operacion masiv kundër drogës, sekuestrohen 685 kg kanabis

Autori: Gazeta inFokus 10:49 | 03 June 2017

Një operacion masiv për parandalimin dhe goditjen e trafikimit të lëndëve narkotike ka mundur të sekuestrojë 685 kg kanabis sativa, dhe të bllokojë një mjet lundrues me drogë, e cila do të trafikohej drejt Italisë.

Në operacion morën pjesë forca të shumta policore, si Drejtoria e Policisë Kufitare dhe Migracionit Vlorë, Drejtoria Vendore e Policisë Vlorë, Reparti Delta Force dhe Guardia di Finanza.

Gjatë mesnatës, pas një pune hetimore disa ditore mbi bazën e informacioneve të marra në rrugë operative, u bë e mundur gjetja e një gomoneje me drogë, e fshehur në pyll pranë Lumit të Vjosës, rreth 1 km larg grykëderdhjes së saj, ku brenda së cilës gjendeshin pako dhe çanta të cilat përmbanin lëndë narkotike të dyshuar si Cannabis Sativa.

-Advertisement-

Në këtë mjet dhe pranë tij të hedhura në tokë janë gjetur gjithësej 67 pako dhe 4 çanta, të cilat pas peshimit kanë rezultuar me peshë të përgjithshme prej 685 kilogramë Cannabis Sativa që janë sekuestruar në cilësinë e provës materiale. /Top Channel/

Subscribe në YouTube: GAZETA INFOKUSI