Lajme

OBSH: 1,8 miliardë persona përballen me rreziqe shëndetësore nga pasiviteti

Autori: Gazeta inFokus 11:13 | 26 June 2024

Gati 1,8 miliardë të rritur janë në rrezik të sëmundjeve të tilla si kanceri, goditjet në tru, demenca dhe diabeti për shkak të mungesës së lëvizjeve dhe situata po përkeqësohet, sipas një raporti të Organizatës Botërore të Shëndetësisë (OBSH).

OBSH dhe akademikët zbuluan se pasiviteti fizik globalisht u rrit me rreth pesë pikë përqindje midis 2010 dhe 2022.

Në përgjithësi, gati një e treta e të rriturve (31%) në mbarë botën nuk bëjnë mjaftueshëm stërvitje, nga 23% (900 milionë njerëz) në vitin 2000 dhe 26% në 2010.

-Advertisement-

Nëse trendet aktuale vazhdojnë, ekspertët parashikojnë se deri në vitin 2030, rreth 35 për qind e njerëzve nuk do të bëjnë mjaftueshëm ushtrime fizike.

Studimet tregojnë se mungesa e stërvitjes rrit rrezikun e sëmundjeve të zemrës, goditjes në tru, diabetit të tipit 2, demencës dhe kancereve si kanceri i gjirit dhe zorrëve.

Kur bëhet fjalë për dallimet gjinore, duket se gratë janë vazhdimisht më pak të prirura për të ushtruar se sa burrat, me përqindje të pasivitetit prej 34% krahasuar me 29%.

Studimi i ri, i botuar në revistën ”The Lancet Global Health”, paralajmëron se bota aktualisht është larg arritjes së qëllimit global për të reduktuar pasivitetin fizik deri në vitin 2030.

Subscribe në YouTube: GAZETA INFOKUSI